པར་འདི་ནི་ཁྲང་ལི་རྫོང་ཏུང་ཚའེ་ཀོ་ཀྲོང་གྲོང་སྡེའི་ཤིང་ཏོག་འདེབས་མཁན་ཞིང་པས་དྲོད་ཁང་ཆེན་མོ་ནང་གི་ཁམ་བུ་འཐོག་བཞིན་པའི་ཚུལ་རེད།

ཉེ་བའི་ལོ་ཤས་རིང་།ཧོ་པེ་ཞིང་ཆེན་ཁྲང་ལི་རྫོང་ཏུང་ཚའེ་ཀོ་ཀྲོང་གྲོང་སྡེས་གྲོང་མི་སྣེ་ཁྲིད་བྱས་ཏེ་དོ་དམ་བྱེད་བདེ་བ་དང་ཐོན་རྫས་ཀྱི་ཟུར་སྣོན་རིན་ཐང་མཐོ་བའི་སྤྱི་གནོད་མེད་པའི་དྲོད་ཁང་གི་སྣུམ་ཁམ་འདེབས་འཛུགས་བྱས་པ་རེད།ངོ་སྤྲོད་བྱས་པར་གཞིགས་ན། མིག་སྔར་གྲོང་སྡེ་དེའི་དྲོད་ཁང་ཆེན་མོའི་སྣུམ་ཁམ་འདེབས་ཁྱོན་མུའུ1200ལ་ཟིན་ཞིང་། ལོ་རེར་ཁམ་བུའི་ཐོན་ཚད་ཏུན3000ཐོག་བསླེབས་ཤིང་ཐོན་སྐྱེད་རིན་ཐང་སྒོར་ཁྲི 2400ལ་བསླེབས་པ་རེད།