ཀྲུང་གོའི་བོད་ཀྱི་དྲ་བའི་འཕྲིན། མཚོ་སྔོན་ཞིང་ཆེན་གྱི་ཞིང་སྡེའི་གློག་དྲ་འཛུགས་སྐྲུན་ཇེ་མགྱོགས་སུ་བཏང་སྟེ།ཞིང་ཕྱུགས་ལས་ས་ཁུལ་གྱི་སྤྱི་ཚོགས་དཔལ་འབྱོར་འཕེལ་རྒྱས་སུ་འགྲོ་ཆེད།ཟླ3པའི་ཚེས16ཉིན་རྒྱལ་ཁབ་གློག་དྲ་མཚོ་སྔོན་གློག་ཤུགས་ཀུང་ཟི་ནས་འབྱོར་བའི་གནས་ཚུལ་ལ2015ལོ་ནས་བཟུང་ཞིང་ཆེན་ཡོངས་ཀྱི་ཞིང་སྡེའི་གློག་དྲ་ལེགས་བསྒྱུར་བཟོ་འགོད་གཞི་རྒྱ་ལོ་སྔོན་མ་ལས་མཐོ་ཞིང་།སྒོར་དུང་ཕྱུར22གཏོང་རྒྱུ་རེད།མ་དངུལ་སྒོར་དུང་ཕྱུར22ཁྲོད་སྟོང་ཝ10དམན་གྱི་བཟོ་འགོད་མ་དངུལ་གཏོང་ཚད་སྒོར་དུང་ཕྱུར15ཡིན་ལ།ལས་འགན་ཧ་ཅང་ལྗིད་པས།རྒྱལ་ཁབ་གློག་དྲ་མཚོ་སྔོན་གློག་ཤུགས་ཀུང་ཟིས་ད་ལོའི་ཞིང་སྡེའི་གློག་དྲ་ལེགས་བསྒྱུར་ཁྲོད་མ་མཐུད་དུ་ཞིང་སྡེའི་གློག་དྲ་ཚད་ལྡན་ཅན་གྱི་ཆུ་ཚད་དུ་གཏོང་རྒྱུ་ཡིན་པ་དང་།དཔེ་མཚོན་ཇུས་འགོད་དེ་རྣམ་གྲངས་ཀྱི་ཞིབ་འཇུག་དང་ཇུས་འགོད། ཨར་ལས་དང་ཞིབ་བཤེར་རྩིས་ལེན་བཅས་ཀྱི་ནང་བཞག་ནས། ཁྱོན་ཡོངས་སུ་གློག་འདོན་དྲ་རྒྱའི་དཔེ་མཚོན་ཇུས་འགོད་དང་ཚད་ལྡན་དངོས་ཟོག་བཀོལ་པ་དང་། ཧུར་ཐག་སྒོས་དཔེ་མཚོན་གློག་འདོན་རྣམ་པ་དང་དཔེ་མཚོན་ཇུས་འགོད་དཔེ་སྟོན་ས་ཁུལ་གསར་སྐྲུན་བྱེད་པ་སོགས་ཁྱོན་ཡོངས་ནས་ཞིང་སྡེའི་གློག་དྲ་དང་འོས་འཚམ་ཡིན་པའི་ལག་རྩལ་ཁྱབ་གདལ་དུ་བཏང་བ་རེད།2015ལོའི་ཞིང་ཆེན་ཡོངས་ཀྱི་ཞིང་སྡེའི་གློག་དྲ་ལེགས་བསྒྱུར་བཟོ་འགོད་འཛུགས་སྐྲུན་ཁྲོད། རྒྱལ་ཁབ་གློག་དྲ་མཚོ་སྔོན་གློག་ཤུགས་ཀུང་ཟིས་སྟོང་ཝ110དང་སྟོང་ཝ35ཡི་བཟོ་འགོད་སྤུས་ཚད100%ཟིན་པ་དང་། སྟོང་ཝ10དམན་གྱི་རྣམ་གྲངས་བཟོ་འགོད་ཀྱི་སྤུས་ཚད85%དང་བཟོ་འགོད་ཚད་ལོན་པར100%ཡིན་པ། སྟོང་ཝ10དམན་གྱི་བཟོ་འགོད་རྣམ་གྲངས་གསུམ་རྒྱལ་ཁབ་གློག་དྲ་ཀུང་ཟིའི“བརྒྱ་ལེགས་བཟོ་འགོད”དུ་ཚད་པར་བརྩོན་ལེན་བྱེད་རྒྱུ་རེད།  །