ཀྲུང་གོའི་བོད་ཀྱི་དྲ་བའི་འཕྲིན། ཟླ3པའི་ཚེས25ཉིན། མཚོ་སྔོན་ཞིང་ཆེན་རྨ་ལྷོ་བོད་རིགས་རང་སྐྱོང་ཁུལ་ཏང་ཨུས་ཐུན་རིན་རྫོང་ཐོ་རྒྱ་གྲོང་རྡལ་དུ«རྨ་ལྷོ་ཁུལ་གྱི་ལས་བྱེད་པའི་བོད་ཡིག་རྒྱུན་བཀོལ་ཁ་སྐད་ཀློག་དེབ»འགྲེམ་གཏོང་བྱེད་པའི་མཛད་སྒོ་བསྡུས་པ་དང་། འདིས་ལས་ཁུངས་ཀྱི་ལས་བྱེད་པས་བོད་ཡིག་བོད་སྐད་སློབ་པའི་བྱ་བ་དངོས་སུ་མགོ་བརྩམས་པར་མཚོན།

རྨ་ལྷོ་ཁུལ་ནི་བོད་རིགས་གཙོས་མི་རིགས་སྣ་མང་འདུས་སྡོད་བྱེད་སའི་ས་ཆ་ཞིག་ཡིན་ལ། བོད་སྐད་དང་རྒྱ་སྐད་ནི་མི་ཕན་ཚུན་བར་འབྲེལ་འདྲིས་བྱེད་པའི་གཞི་རྩའི་ལག་ཆ་གལ་ཆེན་ཞིག་ཡིན་ལ། རྒྱ་ཡིག་རྒྱ་སྐད་སློབ་པའི་ཞོར་དུ་བོད་མི་རིགས་ཀྱི་སྐད་དང་ཡི་གེར་སློབ་སྦྱོང་བྱེད་རྒྱུ་དེ་ལས་ཀྱང་གལ་ཆེན་ཞིག་ཡིན་པར་མ་ཟད། མི་རིགས་ཕན་ཚུན་བར་འབྲེལ་འདྲིས་བྱེད་པ་དང་། མི་རིགས་མཐུན་སྒྲིལ་ལ་ཤུགས་སྣོན་པ། མང་ཚོགས་ཀྱི་བྱ་བ་སྒྲུབ་པའི་ཐད་དོན་སྙིང་གལ་ཆེན་ལྡན།