ཞིན་ཧྭ་གསར་འགྱུར་ཁང་གི་གློག་འཕྲིན་ལྟར། རྒྱལ་ཁབ་སོ་སོའི་གྲོས་ཁང་མནའ་འབྲེལ་གྱི་ཚོགས་ཆེན་སྐབས་བརྒྱ་དང་སོ་གཉིས་པ་ཚེས་ཉེར་བརྒྱད་ཉིན་གྱི་དགོང་མོར་ཡོ་ནན་གྱི་རྒྱལ་ས་ཧི་ནེ་ནས་ཚོགས་མགོ་བརྩམས་པ་དང་། གྲོས་ཚོགས་ཀྱི་བརྗོད་སྙིང་ནི་རྒྱུན་མཐུད་འཕེལ་རྒྱས་ཀྱི་དམིགས་འབེན་ཏེ་ཁ་བཤད་ལག་ལེན་དུ་བསྟར་དགོས་ཞེས་པ་དེ་རེད།

སྐབས་འདིའི་ཚོགས་ཆེན་གྱི་ཚོགས་ཡུན་ནི་ཉིན་ལྔ་ཡིན་ཞིང་། འཛམ་གླིང་ཡོངས་ཀྱི་རྒྱལ་ཁབ་བརྒྱ་དང་རེ་གསུམ་གྱི་འཐུས་མི་སྟོང་གཅིག་དང་སུམ་བརྒྱ་གྲོས་ཚོགས་ལ་ཞུགས། ཚོགས་ཆེན་གྱི་གྲོས་གཞི་གཙོ་བོར་ཇི་ལྟར་འཇིགས་སྐུལ་རིང་ལུགས་རྒྱ་ཡན་དུ་འགྲོ་བར་བཀག་འགོག་བྱེད་པ་དང་། ད་ལོར་གཏན་འཁེལ་བྱས་པའི་འཕེལ་རྒྱས་དམིགས་འབེན་རབ་དང་རིམ་པ་མངོན་འགྱུར་བྱེད་པར་ཇི་ལྟར་འགན་སྲུང་བྱེད་པ་སོགས་འདུས། ཚོགས་ཆེན་ནས་གྲོས་འཆམ་བྱུང་བའི་བསྒྲགས་གཏམ་དེ་དངོས་གཞིའི་ཡིག་ཆར་བྱས་ཏེ་ད་ལོའི་ཟླ་དགུ་བར་མཉམ་འབྲེལ་རྒྱལ་ཚོགས་ཀྱི་ཚོགས་ཆེན་ལ་སྤྲོད་རྒྱུ་རེད།