ཟླ་བ3པའི་ཚེས10ཉིན་སྐབས་བཅུ་གཉིས་པའི་རྒྱལ་ཡོངས་མི་དམངས་འཐུས་མི་ཚོགས་ཆེན་གྱི་གྲོས་ཚོགས་ཐེངས་གསུམ་པའི་སི་ཁྲོན་འཐུས་མི་ཚོགས་པས་ཚང་འཛོམས་གྲོས་ཚོགས་ཐེངས་དྲུག་པ་འཚོགས་པ་དང་ཚོ་ཆུང་གྲོས་བསྡུར་བྱས་ནས་ཁྲིམས་འཛུགས་དག་བཅོས་འཆར་ཟིན་ལ་གྲོས་ཞིབ་བྱས་པ་རེད།
གྲོས་ཚོགས་ཀྱིས་སི་ཁྲོན་འཐུས་མི་ཚོགས་པའི་མིང་ཐོག་ནས་བཏོན་པའི་གྲོས་གཞི་དྲུག་ལ་གྲོས་བསྡུར་བྱས་ནས་གྲོས་འཆམས་བྱུང་ཡོད།འདི་དག་ནི་ཁྲོན་བོད་ལྕགས་ལམ་དེ་རྒྱལ་ཁབ་ཀྱི་ལོ་ལྔའི་འཆར་གཞི་བཅུ་གསུམ་པའི་ནང་བཞག་ནས་ཁྱོན་ཡོངས་ནས་འཛུགས་སྐྲུན་བྱེད་འགོ་ཚུགས་རྒྱུའི་སྐོར་གྱི་གྲོས་གཞི་དང་།འབྲི་ཆུའི་དཔལ་འབྱོར་ས་ཁུལ་གྱི་འཛུགས་སྐྲུན་མགྱོགས་སུ་བཏང་ནས་སི་ཁྲོན་འཕེལ་རྒྱས་ལ་རྒྱབ་སྐྱོར་བྱ་རྒྱུའི་སྐོར་གྱི་གྲོས་གཞི། རྒྱལ་ཁབ་ཀྱི་སྐྱེ་ཁམས་ཀྱི་ཁ་གསབ་ནང་རྐྱེན་མགྱོགས་སུ་འཐུས་སྒོ་ཚང་དུ་གཏང་རྒྱུའི་སྐོར་གྱི་གྲོས་གཞི།སི་ཁྲོན་མི་རིགས་ས་ཁུལ་ལ་རྒྱབ་སྐྱོར་ནུས་ཤུགས་ཆེ་རུ་གཏང་རྒྱུའི་སྐོར་གྱི་གྲོས་གཞི། ནུབ་རྒྱུད་ས་ཁུལ་གྱི་འཐབ་ཇུས་རང་བཞིན་གྱི་གསར་དར་ཐོན་ལས་འཕེལ་རྒྱས་ལ་རྒྱབ་སྐྱོར་བྱས་ནས་བཟོ་ལས་བསྒྱུར་ཞིང་རིམ་པ་སྤར་རྒྱུར་སྐུལ་འདེད་གཏང་རྒྱུའི་སྐོར་གྱི་གྲོས་གཞི།ཁྲེང་ཏུའུ་གྲོང་ཁྱེར་དང་ཁྲུང་ཆིང་གྲོང་ཁྱེར་མགྱོགས་སུ་འཕེལ་རྒྱས་གཏོང་རྒྱུར་རྒྱབ་སྐྱོར་གནང་རྒྱུའི་སྐོར་གྱི་གྲོས་གཞི། སྔར་ལྷག་གིས་ནུབ་རྒྱུད་ས་ཁུལ་གྱི་ཆུ་བེད་ཨར་ལས་འཛུགས་སྐྲུན་ཆེ་འབྲིང་ལ་གཏོང་འཇོག་བྱེད་ཤུགས་ཆེ་རུ་གཏང་རྒྱུའི་སྐོར་གྱི་གྲོས་གཞི་བཅས་ཡིན་ནོ།ངོ་སྤྲོད་བྱས་པ་གཞིགས་ན།གྲོས་གཞི་དྲུག་པོ་དེ་སི་ཁྲོན་འཐུས་མི་ཚོགས་པའི་མིང་ཐོག་ནས་ཁྲིམས་བཀོད་གོ་རིམ་དང་ཚོགས་ཆེན་གྱི་བླང་བྱ་ལྟར་ཚོགས་ཆེན་གྱི་དྲུང་ཡིག་ཁྲུའུ་ལ་ཞུ་རྒྱུ་རེད།།