སྤྱི་ཟླ་3པའི་ཚེས་3ཉིན།ཀྲུང་གོའི་མི་དམངས་ཆབ་སྲིད་གྲོས་མོལ་ཚོགས་འདུ་སྐབས་བཅུ་གཉིས་པའི་རྒྱལ་ཡོངས་ཨུ་ཡོན་ལྷན་ཁང་གི་གྲོས་ཚོགས་ཐེངས་གསུམ་པ་དེ་པེ་ཅིང་མི་དམངས་ཚོགས་ཁང་ཆེན་མོ་རུ་འཚོགས།རྒྱལ་ཡོངས་སྲིད་གྲོས་ཀྱི་སྐབས་བཅུ་གཉིས་པའི་གྲོས་ཚོགས་ཐེངས་གསུམ་པ་དེ2015ལོའི་སྤྱི་ཟླ3པའི་ཚེས3ཉིན་གྱི་ཕྱི་དྲོའི་དུས་ཚོད1གི་ཐོག་མི་དམངས་ཚོགས་ཁང་ཆེན་མོ་རུ་འཚོགས་ཤིང་།རྒྱལ་ཡོངས་སྲིད་གྲོས་ཀྱི་སྐབས་བཅུ་གཉིས་པའི་གྲོས་ཚོགས་ཐེངས་གསུམ་པའི་ཐོག་གྲོས་མོལ་ཞིབ་བཤེར་བྱས་པ་བརྒྱུད།ཡུས་ཀྲེན་ཧྲེང་གིས་རྒྱལ་ཡོངས་སྲིད་གྲོས་ཨུ་ཡོན་ལྷན་ཁང་གི་རྒྱུན་ལས་ཨུ་ཡོན་གྱི་ལས་ཀའི་སྙན་ཞུ་ཕུལ་ཡོད་པ་དང་།ཆི་ཞུས་ཁྲུན་གྱིས་རྒྱལ་ཡོངས་སྲིད་གྲོས་ཨུ་ཡོན་ལྷན་ཁང་གི་རྒྱུན་ལས་ཨུ་ཡོན་གྱི་སྐབས་བཅུ་གཉིས་པའི་སྲིད་གྲོས་ཀྱི་གྲོས་ཚོགས་ཐེངས་གཉིས་པའི་རིང་བཏོན་པའི་གྲོས་གཞིའི་ལས་ཀའི་གནས་ཚུལ་དང་འབྲེལ་བའི་སྙན་ཞུ་ཕུལ་བ་རེད། །