ཞིན་ཧྭ་གསར་འགྱུར་ཁང་གི་གློག་འཕྲིན་ལྟར། ཀྲུང་གུང་ཀྲུང་དབྱང་ཆབ་སྲིད་ཅུའུ་ཡི་རྒྱུན་ལས་ཨུ་ཡོན། རྒྱལ་ཡོངས་དམངས་འཐུས་ཚོགས་ཆེན་རྒྱུན་ལས་ཨུ་ཡོན་ལྷན་ཁང་གི་ཨུ་ཡོན་ཀྲང་ཀྲང་ཏི་ཅང་ཟླ་གསུམ་པའི་ཚེས་དགུ་ཉིན་ཁྲུང་ཆིན་འཐུས་ཚབ་ཚོགས་པའི་གྲོས་ཞིབ་ལ་ཞུགས། འཐུས་མི་རྣམས་ཀྱི་གཏམ་བཤད་ལ་ཉན་རྗེས། ཀྲང་ཏི་ཅང་གིས་འཐུས་མི་རྣམས་ཀྱིས་རྒྱལ་ཡོངས་དམངས་འཐུས་ཚོགས་ཆེན་རྒྱུན་ལས་ཨུ་ཡོན་ལྷན་ཁང་གི་བྱ་བར་རྒྱབ་སྐྱོར་དང་ལྟ་སྐུལ་བྱས་པར་བཀའ་དྲིན་ཞུས་པར་མ་ཟད། ཁྲིམས་ལྟར་རྒྱལ་ཁབ་སྐྱོང་བར་མུ་མཐུད་དུ་ཁྱོན་ཡོངས་ནས་སྐུལ་འདེད་གཏོང་བ་དང་། རྩ་ཁྲིམས་དང་བཅའ་ཁྲིམས་ཀྱི་དབང་ཟིལ་ལ་སྲུང་སྐྱོབ་བྱས་ནས། མི་དམངས་མང་ཚོགས་ཀྱི་རེ་སྒུག་དང་མཐུན་པར་བྱེད་རྒྱུའི་ཚུལ་བསྟན། ཁོང་གིས་ནན་གྱིས་གསུངས་རྒྱུར། རང་རྟོགས་སྒོས་ཏང་གི་མགོ་ཁྲིད་རྒྱུན་འཁྱོངས་བྱས་ནས། མི་དམངས་འཐུས་མིའི་ཚོགས་ཆེན་ལམ་ལུགས་ཀྱི་ཡིད་ཆེས་ཇེ་བརྟན་དུ་གཏོང་དགོས། དམངས་འཐུས་ཚོགས་ཆེན་གྱི་ཁྲིམས་འཛུགས་བྱ་བའི་ཁྲོད་ཀྱི་ནུས་པ་གཙོ་བོ་འདོན་སྤེལ་གང་ལེགས་བྱས་ནས། ཁྲིམས་འཛུགས་སྤུས་ཚད་ཧུར་ཐག་སྒོས་མཐོར་འདེགས་སུ་གཏོང་དགོས། བཅོས་བསྒྱུར་དང་ཁྲིམས་སྐྱོང་བར་གྱི་འབྲེལ་བ་ཐག་གཅོད་བཟང་བོ་བྱས་ཏེ། ཁྲིམས་སྐྱོང་གི་བགྲོད་ལམ་སྟེང་བཅོས་བསྒྱུར་བྱ་བ་ཁྲིམས་ལྟར་གོ་རིམ་ལྡན་པའི་སྒོ་ནས་བསྒྲུབ་པར་ཁག་ཐེག་བྱེད་དགོས། ཁྲིམས་ལྟར་ལྟ་སྐུལ་གྱི་འགན་དབང་ལག་བསྟར་བྱས་ནས། ལྟ་སྐུལ་བྱ་བའི་དམིགས་སའི་རང་བཞིན་དང་ཕན་འབྲས་རང་བཞིན་ཇེ་ཆེར་གཏོང་དགོས། འཐུས་མིའི་གོ་གནས་གཙོ་བོ་རྒྱུན་འཁྱོངས་བྱས་ཏེ། ཁྲིམས་སྐྱོང་བསམ་ཕྱོགས་དང་ཁྲིམས་སྐྱོང་བྱེད་ཐབས་ལ་བརྟེན་ནས་དམངས་འཐུས་ཚོགས་ཆེན་གྱི་བྱ་བ་འཐུས་ཚང་དུ་གཏོང་དགོས་ཟེར།  །