ཀྲུང་གོ་བོད་ཀྱི་དྲ་བའི་འཕྲིན། ཉེ་བའི་ལོའི་ནང༌།རང་ལྗོངས་ཀྱི་སྤུས་ཚད་ལྟ་སྐུལ་ཁོངས་གཏོགས་ཀྱིས་ཚད་ལྡན་ཅན་གྱི་ལས་དོན་སྤེལ་ཤུགས་ཆེ་རུ་བཏང་བས།ད་ཆ་ལྗོངས་ཡོངས་སུ་ས་གནས་ཀྱི་ཚད་གཞི་ཁྱོན97ཟིན་ཡོད་པ་རེད།ཤེས་རྟོགས་བྱུང་བར་གཞིགས་ན། ན་ནིང་ཚུན་དུ་རང་ལྗོངས་ཀྱིས་ཚད་ལྡན་གྱི་དཔེ་སྟོན་ཚོད་ལྟའི་ལས་དོན་ལ་སྐུལ་འདེད་ཧུར་ཐག་བཏང་ནས།ལྷུན་རྩེའི་ནས་ནག་པོ་འདེབས་འཛུགས་སོགས་ཁག་བརྒྱད་པའི་རྒྱལ་ཁབ་རིམ་པའི་ཞིང་ལས་ཚད་ལྡན་གྱི་དཔེ་སྟོན་ཁུལ་བཅུའི་རྣམ་གྲངས་སྔ་རྗེས་སུ་ལག་བསྟར་བྱེད་འགོ་བཙུགས་པ་དང་།ལྷ་ས་གྲོང་ཁྱེར་གྱི་གྲོང་མིའི་ཞབས་ཞུ་ལྟེ་གནས་དང་ལྷ་སའི་རྩེད་ཐང་མགྲོན་ཁང་རྒྱལ་ཁབ་རིམ་པའི་ཞབས་ཞུ་ཚད་ལྡན་གྱི་ཚོད་ལྟའི་ཚན་པར་བདམས་པ། ཚད་ལྡན་ཡ་རབས་ཀྱི་ཁེ་ལས་བདུན་གྱི་གསར་གཏོད་ལས་དོན་ཏན་ཏིག་ངང་སྤེལ་བ། སྙེ་མོའི་སྤོས་དང་ཉིང་ཁྲིའི་སྡོང་ཕུང་སོགས་ཁྱད་ལྡན་ཐོན་རྫས་བརྒྱད་རྒྱལ་ཁབ་ཀྱི་ཡུལ་ལུང་མཚོན་རྟགས་ཀྱི་སྲུང་སྐྱོབ་ཐོན་རྫས་ལ་བདམས་པ།རྩ་འཛུགས་ཚན་པའི་ཚབ་རྟགས་དང་ཚོང་ཟོག་གི་ཨང་རྟགས་ཀྱི་ལས་ཀའི་ཆུ་ཚད་མངོན་གསལ་དོད་པོས་མཐོ་རུ་ཕྱིན་པ་བཅས་རེད།  །