ཞིན་ཧྭ་གསར་འགྱུར་ཁང་གི་གློག་འཕྲིན་ལྟར། རྒྱལ་ཡོངས་སྲིད་གྲོས་ཀྱི་ཨུ་ཡོན།དམངས་གཙོ་མནའ་འབྲེལ་མཚོ་སྔོན་ཞིང་ཆེན་ཨུ་ཡོན་ལྷན་ཁང་གི་ཨུ་ཡོན་གཙོ་བོ་པའོ་ཡི་ཀྲི་ཡིས།ལས་རིགས་སློབ་གསོའི་གལ་ཆེ་རང་བཞིན་ཉིན་བཞིན་གསལ་བོར་མངོན་ཡོད་ནའང་།ནུབ་རྒྱུད་ས་ཁུལ་ལ་མཚོན་ནས་བཤད་ན།དགེ་རྒན་མི་འདང་བ་ནི་ལས་རིགས་སློབ་གསོའི་གོང་འཕེལ་དུ་གཏོང་ཐུབ་མིན་གྱི་འགག་རྩ་རུ་གྱུར་ཡོད།འབྲེལ་ཡོད་སྡེ་ཁག་གིས་ལས་གནས་དམིགས་བཙུགས་བརྒྱུད་ནས་ལས་རིགས་སློབ་གསོའི་དགེ་རྒན་མི་འདང་བའི་གནད་དོན་ཐག་གཅོད་བྱ་རྒྱུར་བསམ་བློ་གཏོང་དགོས་ཞེས་གསུངས་འདུགཔའོ་ཡི་ཀྲི་ཡིས།རྒྱལ་ཁབ་ཀྱི་ངོས་ནས་ཆེད་ལས་གཉིས་ལྡན་གྱི་དགེ་རྒན་གསོ་སྐྱོང་སྦྱོང་བརྡར་དང་འདེམས་བསྐོ་ལམ་ལུགས་འཛུགས་པ་དང་འཐུས་ཚང་དུ་གཏོང་དགོས།ཡོངས་གྲགས་ཀྱིས་སྐོང་བསྡུ་བྱས་པའི་བྱ་ཐབས་སྤྱད་ནས།མཐོ་རིམ་སློབ་གྲྭའི་སློབ་ཐོན་སློབ་མ་དང་ནུས་ལྡན་འཇོན་ཐང་མི་སྣས་ལས་རིགས་སློབ་གྲྭ་རུ་སློབ་ཁྲིད་བྱེད་པ་དང་ལས་རིགས་སློབ་གསོའི་ལས་གནས་སུ་ཞུགས་པར་སྣེ་ཁྲིད་པ་དང་སྐུལ་འདེད་གཏོང་དགོས།ནུབ་རྒྱུད་ས་ཁུལ་དང་།མཐའ་མཚམས་ས་ཁུལ།གྲངས་ཉུང་མི་རིགས་ཀྱི་ལས་རིགས་སློབ་གསོའི་ཆེད་ལས་སློབ་ཁྲིད་ཀྱི་དགེ་རྒན་མི་འདང་བ་དང་སྒྲིག་གཞི་ལུགས་མཐུན་མིན་པའི་གནད་དོན་རིམ་བཞིན་ཐག་གཅོད་བྱེད་དགོས།ནུབ་རྒྱུད་ས་ཁུལ་གྱི་ལས་རིགས་སློབ་གསོའི་དགེ་རྒན་དཔུང་ཁག་གི་སྤྱི་ཡོངས་ཀྱི་བྱང་ཚད་མཐོར་འདེགས་གཏོང་བ།ལས་རིགས་སློབ་གསོའི་གོང་འཕེལ་དང་ལས་ཞུགས་ལས་ཀ་མགྱོགས་མྱུར་ངང་སྐུལ་འདེད་གཏོང་དགོས་པའི་གྲོས་འགོ་བཏོན་ཡོད་པ་རེད།  །