ཞིན་ཧྭ་གསར་འགྱུར་ཁང་གི་གློག་འཕྲིན་ལྟར། རྒྱལ་ཡོངས་དམངས་ཆེན་སྐབས་བཅུ་གཉིས་པའི་རྒྱུན་ལས་ཨུ་ཡོན་ལྷན་ཁང་གིས་ཟླ་གཉིས་པའི་ཚེས་ཉེར་བདུན་ཉིན་གྱི་ཕྱི་དྲོར་མི་དམངས་ཚོགས་ཁང་ཆེན་མོའི་ནང་ཁ་ཡིག་ལ་རྒྱལ་ཡོངས་དམངས་ཆེན་གྱི་ཕྱི་ཕྱོགས་འགྲོ་འོང་བྱ་བ་ཞེས་པའི་ཆེད་དོན་འཆད་ཁྲིད་ཐེངས་བཅོ་ལྔ་བ་བསྡུས་པ་དང་།ཨུ་ཡོན་ཀྲང་ཀྲང་ཏི་ཅང་གིས་འཆད་ཁྲིད་ལ་མགོ་འཛིན་མཛད།
རྒྱལ་ཡོངས་དམངས་ཆེན་རྒྱུན་ལས་ཨུ་ཡོན་ལྷན་ཁང་གི་དྲུང་ཡིག་ཆེན་མོ་གཞོན་པ།རྒྱལ་ཡོངས་དམངས་ཆེན་ཕྱི་དོན་ཨུ་ཡོན་ལྷན་ཁང་གི་ཀྲུའུ་རིན་ཨུ་ཡོན་གཞོན་པ་ཚོ་ཝེ་ཀྲིག་གིས་རྒྱལ་ཡོངས་དམངས་ཆེན་གྱི་ཕྱི་ཕྱོགས་འགྲོ་འོང་བྱ་བའི་གཞི་རྩའི་གནས་ཚུལ་དང་ནུས་པ་གལ་ཆེན།ཁྱད་ཆོས་དང་ཁྱད་སྟོབས།དོ་དམ་བྱ་བ།བསམ་གཞིགས་དང་མྱོར་ཚོར་བཅས་ཕྱོགས་ལྔའི་ཐད་ནས་རྒྱལ་ཡོངས་དམངས་ཆེན་གྱི་ཕྱི་ཕྱོགས་འགྲོ་འོང་བྱ་བའི་གནས་ཚུལ་གཙོ་བོ་མཚམས་སྦྱོར་བྱས།
ཚོ་ཝེ་ཀྲིག་གིས་བཤད་རྒྱུར།དུས་དང་རྣམ་པ་ཀུན་ཏུ་ཏང་གི་མགོ་ཁྲིད་རྒྱུན་འཁྱོངས་བྱེད་པ་ནི་རྒྱལ་ཡོངས་དམངས་ཆེན་གྱི་ཕྱི་ཕྱོགས་འགྲོ་འོང་བྱ་བའི་ཐད་ནས་གྲུབ་འབྲས་ཆེན་པོ་ལེན་པའི་རྩ་བའི་ཁག་ཐེག་ཡིན་པ་དང་།དུས་དང་རྣམ་པ་ཀུན་ཏུ་ཏང་དང་རྒྱལ་ཁབ་ཀྱི་བྱ་བའི་ཁྱོན་ཡོངས་ལ་ཞབས་ཕྱི་བསྒྲུབ་རྒྱུ་རྒྱུན་འཁྱོངས་བྱེད་པ་ནི་རྒྱལ་ཡོངས་དམངས་ཆེན་གྱི་ཕྱི་ཕྱོགས་འགྲོ་འོང་གི་གཞི་འཛིན་ས་དང་རྩ་བའི་ཁ་ཕྱོགས་ཡིན་ལ།དུས་དང་རྣམ་པ་ཀུན་ཏུ་ཁྱད་སྟོབས་འདོན་སྤེལ་དང་བཅོས་སྒྱུར་གསར་སྐྲུན་རྒྱུན་འཁྱོངས་བྱེད་པ་ནི་རྒྱལ་ཡོངས་དམངས་ཆེན་གྱི་ཕྱི་ཕྱོགས་འགྲོ་འོང་བྱ་བ་སྔར་ལས་འཕེལ་རྒྱས་སུ་གཏོང་བའི་སྒུལ་ཤུགས་ཆེན་པོ་ཞིག་ཡིན་ཟེར།  །