ཀྲུང་གོའི་བོད་ཀྱི་དྲ་བའི་འཕྲིན། ཉེ་བའི་ལོ་འདི་འགར།མཚོ་སྔོན་ཞིང་ཆེན་གྱི་འབྲིང་ཆུང་སློབ་གྲྭའི་དགེ་རྒན་གྱི་རིག་གཞུང་ཆུ་ཚད་དང་།ལོ་ན།བསླབ་གནས་བཅས་རྒྱུན་ཆད་མེད་པར་བཅོས་སྒྱུར་བྱེད་བཞིན་ཡོད་ནའང་།ད་དུང་འབྲིང་ཆུང་སློབ་མའི་གླུ་དབྱངས་དང་རི་མོའི་དགེ་རྒན།ཆ་འཕྲིན་ལག་རྩལ་དགེ་རྒན།དབྱིན་ཡིག་དགེ་རྒན་བཅས་ཀྱིས་མི་འདང་བའི་དངོས་ཡོད་གནད་དོན་གནས་ཡོད་པར་མ་ཟད།མི་རིགས་ས་ཁུལ་དུ་རྩིས་ཚན་སྐད་གཉིས་དགེ་རྒན་དཀོན་པའི་གནས་ཚུལ་ལ་དམིགས་ནས།ཉེ་སྔོན་མཚོ་སྔོན་ཞིང་ཆེན་གྱིས་ཞིང་ཆེན་ཡོངས་ཀྱི་སློབ་གསོ་བྱ་བའི་གྲོས་ཚོགས་བསྡུས་ནས་བསྟན་དོན།ད་ལོ་ནས་བཟུང་སྔར་ལས་ཀྱང་དགེ་རྒན་དཔུང་སྡེ་འཛུགས་སྐྲུན་ལ་ཤུགས་སྣོན་དགོས་པ་དང་།དགེ་རྒན་དཔུང་སྡེར་གསོ་སྦྱོང་འཛིན་གྲྭ་སྒྲུབ་ནས།རིག་གཞུང་ཚན་ཁག་འགའ་རེར་དགེ་རྒན་དཀོན་པའི་གནད་དོན་དུས་ལྟར་ཐག་གཅོད་བཟང་པོ་བྱེད་དགོས་པའི་གྲོས་གཞི་བཏོན།
རྒྱུས་ལོན་པ་ལྟར་ན།ཉིས་སྟོང་བཅུ་བཞི་ལོའི་ལོ་མཇུག་ནས་བཟུང་།མཚོ་སྔོན་ཞིང་ཆེན་ཡོངས་ལ་འབྲིང་ཆུང་སློབ་གྲྭའི་ཆེད་ལས་དགེ་རྒན་ཁྲི་བཞི་དང་སྟོང་བརྒྱད་ལྔ་བརྒྱ་བདུན་ཅུ་ཡོད་ལ།སློབ་ཆུང་།དམའ་འབྲིང་།མཐོ་འབྲིང་བཅས་ཀྱི་བསླབ་གནས་ཚད་ལྡན་གྱི་དགེ་རྒན་སོ་སོར་བརྒྱ་ཆའི་གོ་དགུ་ཚེག་དགུ་གཅིག་དང་།བརྒྱ་ཆའི་གོ་དགུ་ཚེག་ང་དྲུགབརྒྱ་ཆའི་གོ་གསུམ་ཚེག་ཐིག་གསུམ་དུ་བསླེབས།ལོ་འདི་འགར་མཚོ་སྔོན་ཞིང་ཆེན་གྱིས་དབྱིན་ཡིག་དགེ་རྒན་དང་།རྩིས་དངོས་རྫས་གསུམ་གྱི་དགེ་རྒན།གླུ་དབྱངས་དང་རི་མོའི་དགེ་རྒན་བཅས་བསྡོམས་པས་དགེ་རྒན་སྟོང་གཉིས་དང་བརྒྱ་དང་སོ་བདུན་གྱིས་ཇེ་མང་དུ་བཏང་་བ་དང་།དགེ་རྒན་གྱི་ལོ་ན་སྙོམས་སྒྲིག་དང་།དཔུང་སྡེའི་སྟོབས་ཤུགས་རྒྱུན་འཁྱོངས་བྱས་ནས།འབྲིང་ཆུང་སློབ་གྲྭ་དང་།ལྷག་པར་དུ་རོང་འབྲོག་ས་ཁུལ་གྱི་དགེ་རྒན་གྱི་ཕྱོགས་བསྡུས་སྤུས་ཚད་དང་།སློབ་གསོའི་ཆུ་ཚད་མཐོར་འདེགས་བྱེད་པར་མཐུན་རྐྱེན་གང་ལེགས་བསྐྲུན།  །