ཞིན་ཧྭ་གསར་འགྱུར་ཁང་པེ་ཅིན་ནས་ཉེ་ཆར་འབྱོར་བའི་གཏམ་གསར། རྒྱལ་ཁབ་ཀྱི་གསར་འགྱུར་ཁྱབ་བསྒྲགས་ཚོགས་འདུ་ནས་ཤེས་རྟོགས་བྱུང་དོན། ན་ལོར་རང་རྒྱལ་གྱི་ལས་ཞུགས་མི་གྲངས་སྤྱི་ཁོག་ཐོག་བཤད་ན་བརྟན་བརླིང་སྲུང་འཛིན་བྱས་ཡོད་ཅིང་། གྲོང་རྡལ་གྱི་ལས་ཞུགས་མི་སྣ་ལོ་གོང་མའི་ལོ་མཇུག་ལས་ཁྲི1070འཕར་སྣོན་བྱུང་།　གྲངས་ཀའི་ཐོག་བལྟས་ན། 2014ལོའི་ལོ་མཇུག་བར་ཀྲུང་གོའི་མི་གྲངས་བསྡོམས་འབོར་ཁྲི136782ཡིན་པ་དེ་ལོ་གོང་མའི་ལོ་མཇུག་ལས་མི་ཁྲི710འཕར་བ་དང་། ལོ་ཧྲིལ་པོར་གསར་དུ་སྐྱེ་པའི་མི་གྲངས་ཁྲི1687ལ་བསླེབས་ཏེ་མི་གྲངས་སྐྱེ་ཚད་སྟོང་ཆ12.37ཟིན། ལོ་ཧྲིལ་པོར་ཤི་བའི་མི་གྲངས་ཁྲི977ལ་བསླེབས་ཏེ་ཤི་ཚད་སྟོང་ཆ7.16ཟིན། མི་གྲངས་ཀྱི་རང་བྱུང་འཕར་ཚད་ནི་བརྒྱ་ཆ5.21ཡིན་པ་དེ་ན་ལོ་གོང་མ་ལས་སྟོང་ཆའི་ཚད0.29འཕར་སྣོན་བྱུང་།
གྲོང་ཁྱེར་དང་གྲོང་རྡལ་གྱི་ཆགས་ཚུལ་ལ་བལྟས་ན། གྲོང་རྡལ་དུ་རྒྱུན་སྡོད་མི་གྲངས་ཁྲི74916ཡོད་པ་དེ་ན་ལོའི་ལོ་མཇུག་ལས་མི་ཁྲི1805འཕར་ཞིང་། ཤང་དང་གྲོང་རྡལ་དུ་རྒྱུན་སྡོད་མི་གྲངས་ཁྲི61866ཡོད་པ་དེ་ན་ལོའི་ལོ་མཇུག་ལས་མི་ཁྲི1095ཉུང་དུ་ཕྱིན་ཡོད། གྲོང་རྡལ་མི་གྲངས་དེ་མི་གྲངས་བསྡོམས་འབོར་གྱི་ཟིན་ཚད་བརྒྱ་ཆ54.77ཡིན་ལ། ལོ་མཇུག་ཏུ་རྒྱལ་ཡོངས་སུ་ལས་ཞུགས་མི་སྣ་ཁྲི77253ཡོད་པ་དེ་ལོ་གོང་མའི་ལོ་མཇུག་ལས་མི་ཁྲི276འཕར་སྣོན་བྱུང་། དེའི་ནང་གྲོང་རྡལ་གྱི་ལས་ཞུགས་མི་སྣ་ཁྲི39310ཡོད་པ་དེ་ན་ལོའི་ལོ་མཇུག་ལས་མི་ཁྲི1070འཕར་ཡོད་དོ།།