ཀྲུང་གོ་བོད་ཀྱི་དྲ་བའི་འཕྲིན། གསར་འགོད་པས་ཚེས་དྲུག་ཉིན་མཚོ་སྔོན་ཞིང་ཆེན་སྡོམ་རྩིས་ཅུའུ་ཡིས་བསྡུས་པའི་གསར་འགྱུར་སྒྲོག་སྤེལ་ཚོགས་འདུའི་སྟེང་རྒྱུས་ལོན་བྱུང་བ་ལྟར་ན།ཞིང་ཆེན་ཡོངས་ཀྱི་ཁྱབ་བཤེར་མི་སྣ་དང་ཁྱབ་བཤེར་མཛུབ་སྟོན་པ་སྟོང་དྲུག་ལྷག་གིས་ལོ་གཉིས་ལྷག་ལ་དཀའ་སྤྱད་འབད་བརྩོན་བྱས་པ་བརྒྱུད་དེ།མཚོ་སྔོན་ཞིང་ཆེན་གྱི་རྒྱལ་ཡོངས་དཔལ་འབྱོར་ཁྱབ་བཤེར་ཐེངས་གསུམ་པའི་བྱ་བར་དུས་རིམ་རང་བཞིན་གྱི་གྲུབ་འབྲས་ཆེན་པོ་ཐོབ།རྒྱལ་ཡོངས་དཔལ་འབྱོར་ཁྱབ་བཤེར་ནི་ལོ་ལྔའི་ནང་ལ་ཐེངས་རེར་སྤེལ་བཞིན་པ་དང་།ཐེངས་འདིའི་ཁྱབ་བཤེར་བྱེད་ཡུལ་ནི་མཚོ་སྔོན་གྱི་མངའ་ཁོངས་སུ་ཐོན་ལས་གཉིས་པ་དང་ཐོན་ལས་གསུམ་པ་གཉེར་བའི་ཁྲིམས་མིའི་ལས་ཁུངས་དང་ཐོན་ལས་བྱ་འགུལ་ལས་ཁུངས།སྒེར་གཉེར་ཚོང་བ་བཅས་རེད།
 ཁྱབ་བཤེར་བྱས་པའི་མཇུག་འབྲས་ལྟར་ན།ཉིས་སྟོང་བཅུ་གསུམ་ལོའི་ལོ་མཇུག་ཏུ།ཞིང་ཆེན་ཡོངས་སུ་བསྡོམས་པས་ཐོན་ལས་གཉིས་པ་དང་ཐོན་ལས་གསུམ་པ་གཉེར་བའི་ཁྲིམས་མིའི་ལས་ཁུངས་ཁྲི་གསུམ་དང་སྟོང་བཞི་བཞི་བརྒྱ་ང་གཅིག་ཡོད་པ་དང་།ཉིས་སྟོང་བརྒྱད་ལོའི་ལོ་མཇུག་ལས་ལས་ཁུངས་ཁྲི་གཅིག་དང་ཉིས་བརྒྱ་ལྷག་གིས་ཇེ་མང་ལ་སོང་ཞིང་།བརྒྱ་ཆའི་ཞེ་གཉིས་ལྷག་འཕར།ཐོན་ལས་བྱ་འགུལ་ལས་ཁུངས་ཁྲི་བཞི་དང་སྟོང་བདུན་སུམ་བརྒྱ་ཉེར་གསུམ་ཡོད་པ་དང་།ལས་ཁུངས་ཁྲི་གཅིག་དང་སྟོང་གསུམ་ལྔ་བརྒྱ་དོན་གཉིས་ཀྱིས་ཇེ་མང་ལ་སོང་ཞིང་།བརྒྱ་ཆའི་བཞི་བཅུ་ལྷག་འཕར།སྒེར་གཉེར་ཚོང་བ་འབུམ་གཉིས་དང་ཁྲི་གཉིས་སྟོང་དྲུག་ལྔ་བརྒྱ་གོ་ལྔ་ཡོད་པ་དང་།དེ་ཁྲི་ལྔ་དང་སྟོང་བརྒྱད་བརྒྱད་བརྒྱ་རེ་བཞི་ཡིས་ཇེ་མང་ལ་སོང་ཞིང་།བརྒྱ་ཆའི་སོ་ལྔ་ལྷག་འཕར།དེའི་ནང་དུ་ཞིང་ཆེན་ཡོངས་སུ་བསྡོམས་པས་ཐོན་ལས་གཉིས་པ་དང་ཐོན་ལས་གསུམ་པ་གཉེར་བའི་ཁེ་ལས་ཀྱི་ཁྲིམས་མིའི་ལས་ཁུངས་ཁྲི་གཅིག་དང་སྟོང་བདུན་སུམ་བརྒྱ་གྱ་བཞི་ཡོད་པ་དང་།ཉིས་སྟོང་བརྒྱད་ལོའི་ལོ་མཇུག་ལས་ལས་ཁུངས་སྟོང་བདུན་དང་ལྔ་བརྒྱ་རེ་བརྒྱད་ཀྱིས་ཇེ་མང་ལ་སོང་ཞིང་།བརྒྱ་ཆའི་དོན་བདུན་ལྷག་འཕར།
ཉིས་སྟོང་བཅུ་གསུམ་ལོའི་ལོ་མཇུག་ཏུ།ཞིང་ཆེན་ཡོངས་སུ་ཐོན་ལས་གཉིས་པ་དང་ཐོན་ལས་གསུམ་པ་གཉེར་བའི་ཁྲིམས་མིའི་ལས་ཁུངས་སུ་ལས་ཀ་གཉེར་མཁན་ས་ཡ་གཅིག་དང་འབུམ་གཅིག་ཁྲི་བཞི་སྟོང་དྲུག་བཞི་བརྒྱ་དང་དྲུག་ཡོད་པ་དང་།ཉིས་སྟོང་བརྒྱད་ལོའི་ལོ་མཇུག་ལས་མི་འབུམ་གསུམ་དང་ཁྲི་ལྔ་སྟོང་དགུ་བརྒྱ་དང་བཅུ་བདུན་གྱིས་ཇེ་མང་ལ་སོང་ཞིང་།བརྒྱ་ཆའི་ཞེ་ལྔ་ལྷག་འཕར།སྒེར་གཉེར་ཚོང་བའི་ས་རུ་ལས་ཞུགས་བྱེད་མཁན་འབུམ་བཞི་དང་ཁྲི་བཞི་སྟོང་གསུམ་བཞི་བརྒྱ་བཅུ་དྲུག་ཡོད་པ་དང་།ཉིས་སྟོང་བརྒྱད་ལོའི་ལོ་མཇུག་ལས་མི་འབུམ་གཅིག་དང་སཏོང་གསུམ་བདུན་བརྒྱ་རེ་བཞི་ཡིས་ཇེ་མང་དུ་སོང་ཞིང་།བརྒྱ་ཆའི་སུམ་ཅུ་ལྷག་འཕར།
 ཉིས་སྟོང་བཅུ་གསུམ་ལོའི་ལོ་མཇུག་ཏུ།ཞིང་ཆེན་ཡོངས་སུ་ཐོན་ལས་གཉིས་པ་དང་ཐོན་ལས་གསུམ་པའི་ཁེ་ལས་ཀྱི་རྒྱུ་ནོར་བསྡོམས་པས་སྒོར་ཁྲག་ཁྲིག་ཆེན་པོ་གཉིས་དང་ཐེར་ཆེན་གཅིག་ཐེར་འབུམ་དགུ་དུང་ཕྱུར་བཞི་བྱེ་བ་ལྔ་ལ་བསླེབས་པ་དང་།ཉིས་སྟོང་བརྒྱད་ལོའི་ལོ་མཇུག་ལས་སྒོར་ཁྲག་ཁྲིག་ཆེན་མོ་གཅིག་དང་ཁྲག་ཁྲིག་བཞི་ཐེར་ཆེན་གཅིག་དུང་ཕྱུར་བཞི་བྱེ་བ་དགུ་ཡིས་ཇེ་མང་ལ་སོང་ཞིང་།བརྒྱ་ཆའི་ཉིས་བརྒྱ་དང་སོ་གཅིག་ལྷག་འཕར།དེའི་ནང་དུ་ཐོན་ལས་གཉིས་པའི་ཁེ་ལས་ཀྱི་རྒྱུ་ནོར་གྱིས་ཁེ་ལས་ཀྱི་རྒྱུ་ནོར་ཧྲིལ་བོའི་བརྒྱ་ཆའི་སོ་གཉིས་ལྷག་ཟིན་པ་དང་།ཐོན་ལས་གསུམ་པའི་ཁེ་ལས་ཀྱི་རྒྱུ་ནོར་གྱིས་བརྒྱ་ཆའི་རེ་བདུན་ལྷག་ཟིན།  །