ཀྲུང་གོ་བོད་ཀྱི་དྲ་བའི་འཕྲིན། ཉེ་དུས།བོད་རང་སྐྱོང་ལྗོངས་ཀྱི་དཔྱིད་གསར་དུས་ཆེན་དང་བོད་ཀྱི་ལོ་གསར་གྱི་བརྙན་འཕྲིན་མཉམ་སྤྲོའི་དགོང་ཚོགས་ཀྱི་མཐུན་སྦྱོར་འགོ་ཁྲིད་ཚོགས་ཆུང་གིས2015ལོའི་བརྙན་འཕྲིན་མཉམ་སྤྲོའི་དགོང་ཚོགས་ལ་ཞིབ་བཤེར་གནང་བ་དང་།ལས་ཀའི་གནས་ཚུལ་གྱི་སྙན་ཞུ་གསན་པ་མ་ཟད་གོམ་སྟབས་རྗེས་མའི་ལས་དོན་བཀོད་སྒྲིག་གནང་བ་རེད།
ལྗོངས་ཏང་ཨུད་ཀྱི་རྒྱུན་ལས་ཨུ་ཡོན། དྲིལ་བསྒྲགས་པུའི་པུའུ་ཀྲང་རྡུང་ཡུན་ཧུའུ་ཞིབ་བཤེར་གནང་བར་ཕེབས་པ་མ་ཟད་གསུང་བཤད་ཀྱང་གནང་བ་དང་། རང་སྐྱོང་ལྗོངས་ཀྱི་ཀྲུའུ་ཞི་གཞོན་པ་མོང་ཏེ་ལིས་དང་། རང་སྐྱོང་ལྗོངས་སྲིད་གྲོས་ཀྱི་ཀྲུའུ་ཞི་གཞོན་པ་པད་མ་རྣམ་རྒྱལ་རྣམ་གཉིས་ཞིབ་བཤེར་གནང་སྐབས་ལྷན་དུ་ཕེབས་ཡོད་པ་རེད།
རྡུང་ཡུན་ཧུའུ་ཡིས་ལེ་ཚན་ཁག་ལ་ཞིབ་བཤེར་གནང་རྗེས་དགོང་ཚོགས་གཉེར་སྒྲུབ་ཀྱི་ལས་ཀར་གདེང་འཇོག་མཐོ་པོ་གནང་བ་དང་སྦྲགས། དཔྱིད་གསར་དུས་ཆེན་དང་བོད་ཀྱི་ལོ་གསར་གྱི་དགོང་ཚོགས་ལ་ལྗོངས་ཡོངས་ཀྱི་མི་རིགས་ཁག་གི་མང་ཚོགས་ཀྱིས་དགའ་པོ་བྱེད་ཀྱི་ཡོད་པ་དང་། རྒྱལ་ཁབ་ཕྱི་ནང་དུ་ཤུགས་རྐྱེན་ཆེན་པོ་ལྡན་ཡོད་པས་འགན་སེམས་ཆེན་པོའི་ཐོག་ནས་བསམ་འཆར་དང་གྲོས་འགོ་རྒྱ་ཁྱབ་ཐོག་བསྡུ་ལེན་བྱེད་པ་དང་ཞིབ་ཚགས་ངང་བཟོ་བཅོས་བྱས་ཏེ། བསམ་བློའི་རང་བཞིན་དང་། སྒྱུ་རྩལ་རང་བཞིན། གཟིགས་མོའི་རང་བཞིན་བཅས་ཀྱི་དགོང་ཚོགས་རྩེ་གྲ་ཞིག་ཧུར་ཐག་གཏོད་དགོས་པའི་བླང་བྱ་བཏོན་པ་རེད།  །