ཚེས་ཉེར་བཞི་ཉིན། ཀྲུང་དབྱང་དྲིལ་སྒྲོག་པུའུ་དང་ཚན་རྩལ་པུའུ། ཁྲིམས་འཛིན་པུའུ། ཞིང་ལས་པུའུ། རིག་གནས་པུའུ། རྒྱལ་ཁབ་འཕྲོད་བསྟེན་ཨུ་ཡོན་ལྷན་ཁང་། གསར་འགྱུར་དཔེ་སྐྲུན་རྒྱང་སྒྲོག་བརྙན་འཕྲིན་སྤྱི་ཁྱབ་ཅུའུ། ཀྲུང་གོ་ཚན་རྩལ་མཐུན་ཚོགས། ཀྲུང་གོ་དང་བླངས་པའི་ཞབས་ཞུ་མཉམ་འབྲེལ་ལྷན་ཚོགས་བཅས་ལས་ཁུངས་ཀྱིས་ཅང་ཞི་ཞིང་ཆེན་ཀན་ཀྲིག་གྲོང་ཁྱེར་གྱི་ཞུན་ཝུའུ་རྫོང་ནས་རྒྱལ་ཡོངས་ཀྱི་རིག་གནས་དང་ཚན་རྩལ་འཕྲོད་བསྟེན་བཅས་གཞི་རིམ་དུ་སྐྱེལ་བའི་ཞབས་ཞུའི་བྱ་འགུལ་སྤེལ།
དྲིལ་སྒྲོག་དང་རིག་གནས། ཚན་རྩལ། འཕྲོད་བསྟེན། རྒྱང་སྒྲོག་བརྙན་འཕྲིན་སོགས་ལས་ཁུངས་ཀྱི་ཀྲུང་དབྱང་དང་ཞིང་ཆེན། གྲོང་ཁྱེར་བཅས་ཀྱི་ཆེད་མཁས་པས་རིག་གནས་དང་ཚན་རྩལ་འཕྲོད་བསྟེན་བཅས་གཞི་རིམ་དུ་སྐྱེལ་པའི་ཞབས་ཞུའི་རུ་ཁག་བཙུགས་ནས། གསར་བརྗེ་གནས་གཞི་ས་ཁུལ་རྙིང་བའི་མང་ཚོགས་རྣམས་ལ་ཚན་རྩལ་གྱི་ཤེས་བྱ་ཁྱབ་གདལ་གཏོང་བ་དང་། རིན་མི་ལེན་པར་སྨན་བཅོས་བྱེད་པ། ཁྲིམས་ལུགས་ཀྱི་ཤེས་བྱ་འདོན་སྤྲོད་བྱེད་པ་སོགས་ཡུལ་དངོས་སུ་ཞབས་ཕྱི་བསྒྲུབས།