ཀྲུང་དབྱང་མི་རིགས་སློབ་ཆེན་བོད་རིག་པ་སློབ་གླིང་གི་རྒྱ་བོད་ལོ་ཙཱ་ལག་ལེན་སློབ་ཁྲིད་གནས་གཞིའི་སྒོ་བྱང་བཀལ།

ཟླ་དང་པོའི་ཚེས་ཉི་ཤུ་ཉིན། ཀྲུང་དབྱང་མི་རིགས་སློབ་གྲྭ་ཆེན་མོའི་བོད་རིག་པ་ཞིབ་འཇུག་སློབ་གླིང་དང་ཀྲུང་གོ་མི་རིགས་ཡིག་སྒྱུར་ཅུའུ་བོད་སྐད་ཡིག་ལོ་ཙཱ་ཁང་གཉིས་ཀྱིས་མཉམ་འབྲེལ་བྱས་ཏེ་བོད་སྐད་ཡིག་ལོ་ཙཱ་ཁང་ལ་ཀྲུང་དབྱང་མི་རིགས་སློབ་གྲྭ་ཆེན་མོའི་བོད་རིག་པ་ཞིབ་འཇུག་སློབ་གླིང་གི་རྒྱ་བོད་ལོ་ཙཱ་ལག་ལེན་སློབ་ཁྲིད་ལྟེ་གནས་ཀྱི་སྒོ་བྱང་བཀལ་བ་རེད།

སྒོ་བྱང་འགེལ་བའི་མཛད་སྒོའི་ཐོག་ཏུ་ཀྲུང་གོ་མི་རིགས་ཡིག་སྒྱུར་ཅུའུ་ཡི་མགོ་ཁྲིད་གཞོན་པ་ཅིན་ཡུན་ཀོ་དང་། ཀྲུང་གོ་མི་རིགས་ཡིག་སྒྱུར་ཅུའུ་བོད་སྐད་ཡིག་ལོ་ཙཱ་ཁང་གི་མགོ་བ་ཟླ་བ་ཚེ་རིང་། ཀྲུང་དབྱང་མི་རིགས་སློབ་གྲྭ་ཆེན་མོའི་བོད་རིག་པ་ཞིབ་འཇུག་སློབ་གླིང་གི་གླིང་གཙོ་ཚེ་རིང་ཐར་དང་གླིང་གཙོ་གཞོན་པ་བཀྲ་བྷ་སོགས་ཞུགས་ཡོད།