ཟླ7པའི་ཚེས5ཉིན་གྱི་དུས་ཚོད་བཅུའི་སྟེང་། སྐབས་བཅུ་གསུམ་པའི་རྒྱལ་སྤྱིའི་མཚོ་སྐོར་ལྕགས་རྟ་འགྲན་སྡུར་མགོ་རྩོམ་པའི་མཛད་སྒོ་དེ་ཟི་ལིང་ཧེ་ཧུའུ་ས་ཁུལ་གསར་བའི་ལུས་རྩལ་ལྟེ་གནས་སུ་གཟབ་རྒྱས་ངང་བརྩམས་ཤིང་། རྒྱལ་ཡོངས་སྲིད་གྲོས་ཀྱི་ཀྲུའུ་ཞི་གཞོན་པ་མཱ་ཕེ་ཧྭ་མཛད་སྒོར་ཞུགས་ནས་མགོ་རྩོམ་མཚོན་རྟགས་མནན་ལ། ཀན་སུའུ་ཞིང་ཆེན་དམངས་ཆེན་རྒྱུན་ལས་ཨུ་ཡོན་ལྷན་ཁང་གི་ཀྲུའུ་རིན་གཞོན་པ་ལིས་ཧོས་དང་ཉིན་ཞ་ཧོས་རིགས་རང་སྐྱོང་ལྗོངས་སྲིད་གྲོས་ཀྱི་ཀྲུའུ་ཞི་གཞོན་པ་ཡའོ་ཨེ་ཨན། རྒྱལ་ཁབ་ལུས་རྩལ་སྤྱི་ཁྱབ་ཅུའུ་ཡི་འཐུས་མི་ཝང་བེ་སོགས་མཛད་སྒོར་ཞུགས། ལའོ་ཧོས་ཉིན་དང་ཧོ་ཕུན། རིན་ཆེན་རྒྱལ། ཝང་ཅན་ཅོན། ཅི་ཏིས་མཱ་ཅ། ཝང་ཞའོ་ཆིན། མུའུ་ཏུང་ཧྲིན། ཀྲང་ཅན་མེན། ངག་དབང་བསོད་ནམས། ཞའོ་ཡང་ཀྲུང་སོགས་མཚོ་སྔོན་ཞིང་ཆེན་གྱི་འགོ་ཁྲིད་རྣམས་རྒྱལ་སྤྱིའི་མཚོ་སྐོར་ལྕགས་རྟ་འགྲན་སྡུར་གྱི་མགོ་རྩོམ་མཛད་སྒོར་ཞུགས། ཧོ་ཕུན་དང་ཝང་བེ། བུའུ་པའོ་ཨན་བཅས་སོ་སོས་ཤིས་ཚིག་ཕུལ། ཀྲང་ཅན་མེན་གྱིས་མཛད་སྒོར་མདོ་འཛིན་གནང་།