རྒྱལ་ཁབ་བསྡོམས་རྩིས་ཅུས་དཀར་མཛེས་བརྟག་དཔྱད་རུ་ཁག་གིས་བརྟག་དཔྱད་བྱས་པ་ནས་མཚོན་རྒྱུར།ཟླ་བ5པའི་ནང་དཀར་མཛེས་ཁུལ་གྱི་ཡུལ་མིའི་འཛད་སྤྱོད་རིན་གོང་གི་བསྡུར་གྲངས་དེ་ན་ལོའི་དུས་མཉམ་ལས་བརྒྱ་ཆ1.5འཕར་བ་དེ་ཟླ་བ4པ་ལས་བརྒྱ་ཆའི་གྲངས་ཀ་0.3མཐོ་རུ་ཕྱིན་པ་དང་ཞིང་ཆེན་ཡོངས་ལས་བརྒྱ་ཆའི་གྲངས་ཀ་0.3དམའ་བ།དེའི་ནང་རིན་གོང་གསར་འཕར་གྱི་རྒྱུ་རྐྱེན་ནི་བརྒྱ་ཆའི་གྲངས་ཀ་0.4ཡིན་པ་རེད།
ཡུལ་མིའི་འཛད་སྤྱོད་རིན་གོང་གི་བསྡུར་གྲངས་དེ་ན་ལོའི་དུས་མཉམ་ལས་འཕར་བའི་གྲངས་ཀར་བལྟས་ན་བཟའ་བཅའ་རིན་གོང་བརྒྱ་ཆ1.2འཕར་བ་དང་།བཟའ་བཅའ་མིན་པའི་རིན་གོང་བརྒྱ་ཆ1.6འཕར་བ།ཞབས་འདེགས་རྣམ་གྲངས་ཀྱི་རིན་གོང་བརྒྱ་ཆ2.2འཕར་བ།འཛད་རྫས་རིན་གོང་བརྒྱ་ཆ0.4འཕར་བ།
ཟླ་བ་བཞི་པ་དང་བསྡུར་ན་ཕག་ཤ་དང་ཁྱིམ་བྱ་རིགས།ཉ་བཅས་རིན་གོང་འཕར་བའི་ཤུགས་རྐྱེན་ཐེབས་པ་དང་།སྔོན་གྱི་ཟླ་གཉིས་ཀྱི་རིན་གོང་བསྟུད་མར་ཆག་པའི་གནས་ཚུལ་དང་བྲལ་ནས་བརྒྱ་ཆ0.1འཕར་བ་རེད།
སྐུད་ཡོད་བརྙན་འཕྲིན་གྱི་གྲོན་དངུལ་སྤར་བ་དང་ཕག་ཤ་རིན་གོང་མར་ཆགས་པའི་རྐྱེན་གྱིས་ཡུལ་མིའི་འཛད་སྤྱོད་རིན་གོང་གི་བསྡུར་གྲངས་དེ་སྔོན་དཔག་བྱས་ན་མུ་མཐུད་དུ་འཕར་རྒྱུ་རེད།ཡིན་ནའང་སྔོ་ཚལ་རིན་གོང་རྒྱུན་མཐུད་དུ་མར་ཆགས་པའི་ཤུགས་རྐྱེན་ཐེབས་པས་རིན་གོང་འཕར་ཚད་ད་དུང་ཆེ་པོ་མིན་པ།སྔོན་རྩིས་བྱས་ན་ཟླ་རྗེས་མར་ཟོག་གོང་གི་གནས་ཚུལ་ད་དུང་ཅུང་འཕར་བའི་གནས་ཚུལ་ཡོང་གི་རེད།