ཉེ་ཆར།འདབ་པ་རྫོང་བཟའ་བཅའ་ཉེན་མེད་ཨུ་ཡོན་ལྷན་ཁང་གཞུང་ལས་ཁང་གིས་འདབ་པའི་གངས་དཀར་ཐང་ཆེན་དུ་ཀུན་སྤྱོད་ཁྲིམས་སྲུང་དང་།ཉེན་མེད་བཟའ་བཅའི་བཅོས་སྐྱོང་ནུས་པ་ཇེ་མཐོར་གཏོང་རྒྱུས་བརྗོད་བྱ་གཙོ་བོ་བྱས་པའི་བཟའ་བཅའ་ཉེན་མེད་དྲིལ་བསྒྲགས་གཟའ་འཁོར་གྱི་བྱེད་སྒོ་སྤེལ་བ་རེད།རྫོང་དེའི་བཟའ་བཅའ་ཉེན་མེད་ཨུ་ཡོན་ལྷན་ཁང་གི་གྲུབ་མི་ལས་ཁུངས་སོ་སོའི་འགན་འཁུར་མི་སྣ་དང་གསར་འགྱུར་སྨྱན་སྦྱོར།བཟའ་བཅའ་ཉེན་མེད་བདག་གཉེར་ཁེ་ལས་བཅས་ཀྱི་མི300ལྷག་མཛད་སྒོར་ཞུགས་པ་རེད།
མཛད་སྒོ་མཇུག་སྒྲིལ་རྗེས།  རྫོང་དེའི་བཟའ་བཅའ་སྨན་རྫས་ལྟ་སྐུལ་དོ་དམ་ཅུས་ཀྱིས་གཅིག་བསྡུས་ཀྱིས་དྲིལ་བསྒྲགས་བློ་འདྲིའི་བྱེད་སྒོ་སྤེལ་བ་རེད།  བྱེད་སྒོ་དེས་བློ་འདྲི་དང་ལེན་དང་དྲིལ་བསྒྲགས་དཔྱད་རིགས་བཀྲམ་པ།དྲིལ་བསྒྲགས་སྦྱར་ཡིག་འགེལ་བ།བཟའ་བཅའ་རྫུན་མ་འགྲེམས་སྟོན་བྱེད་པ་བཅས་ཀྱི་བྱེད་ཐབས་སྤྱད་དེ་སྤེལ་ནས་ནང་དོན་ཕུན་སུམ་ཚོགས་ལ་ཞུགས་མི་ཁྱབ་རྒྱ་ཆེ་བ་རེད།བྱེད་སྒོ་སྤེལ་རིང་བློ་འདྲི་བྱེད་མཁན་གྱི་མིའི་ཐེངས་གྲངས176དང་ལེན་བྱས་པ་དང་དྲིལ་བསྒྲགས་སྦྱར་ཡིག6བཀལ་བ།དྲིལ་བསྒྲགས་ཡིག་རིགས220བཀྲམ་ཡོད་པ་རེད། 
 ཤེས་རྟོགས་བྱུང་བར་གཞིགས་ན།   རྫོང་དེས་ཉེ་བའི་དུས་ཚོད་ནང་ཉེན་མེད་བཟའ་བཅའ་སྐོར་གྱི་ཚན་རིག་ཡོངས་ཁྱབ་ཤེས་བྱ་སློབ་གྲྭ་དང་འབྲོག་ཁུལ།འདུས་སྡེ་ཁུལ།ཨར་ལས་ལས་ཡུལ།མཛེས་ལྗོངས་ཁུལ།ལས་ཁུངས་ཁག་བཅས་སུ་བསྐྱལ་བའི་དྲིལ་བསྒྲགས་བྱེད་སྒོ་མུ་མཐུད་ནས་སྤེལབས་མ་ཚད་ལས་རིགས་གསོ་སྦྱོང་དང་ཁྲིམས་ལུགས་དྲིལ་བསྒྲགས་བཅས་ཀྱི་བྱེད་ཐབས་སྣ་མང་སྤྱད་དེ་བཟའ་བཅའ་ཉེན་མེད་དྲིལ་བསྒྲགས་དེ་བས་རྒྱ་ཁྱབ་ཏུ་སྤེལ་རྒྱུ་རེད།