ཞིན་ཧྭ་གསར་འགྱུར་ཁང་པེ་ཅིན་ནས་འབྱོར་བའི་གཏམ་གསར།  སློབ་གསོ་པུའུ་ནས་ཤེས་རྟོགས་བྱུང་རྒྱུར།མཐོ་རིམ་སློབ་གྲྭའི་མཐར་ཕྱིན་སློབ་མ་ལས་ཞུགས་བྱེད་དཀའ་བའི་དུས་རིམ་གྱི་གནོན་ཤུགས་ཆེན་པོའི་འོག་འབྲེལ་ཡོད་སྡེ་ཚན་གྱིས་སྲིད་ཇུས་ཁག་ལྔ་བཏོན་ནས་མཐོ་རིམ་སློབ་གྲྭའི་མཐར་ཕྱིན་སློབ་མ་བདེ་བླག་ངང་ལས་ཞུགས་བྱེད་པར་རོགས་རམ་བྱེད་གང་ཐུབ་བྱས་པ་རེད།
མཐོ་རིམ་སློབ་གྲྭའི་མཐར་ཕྱིན་སློབ་མ་གྲོང་ཁྱེར་དང་གྲོང་གསེབ་ཀྱི་གཞི་རིམ་དུ་ལས་ཞུགས་བྱེད་པར་སྐུལ་མ་གཏང་རྒྱུའི་སྲིད་ཇུས་སྐོར།དཔེར་ན།གཞི་རིམ་གྱི་སྤྱི་པའི་དོ་དམ་དང་ཞབས་ཕྱིའི་ཁྱབ་ཁོངས་སུ་མཐོ་རིམ་སློབ་གྲྭའི་མཐར་ཕྱིན་སློབ་མ་ལས་ཞུགས་བྱེད་བཅུག་དགོས།མཐོ་རིམ་སློབ་གྲྭའི་མཐར་ཕྱིན་སློབ་མ་དེ་བས་མང་པོ་ཞིག་དེང་རབས་ཞིང་ལས་ལ་ཞུགས་རྒྱུའི་ཐད་སྣེ་ཁྲིད་བྱེད་དགོས།མུ་མཐུད་ནས་སྡེ་དཔོན་སློབ་ཆེན་པ་དང་རོགས་སྐྱོར་གསུམ་དང་དབུལ་སྐྱོར་གཅིག་སོགས་གཞི་རིམ་ཁག་གི་ཞབས་ཞུ་རྣམ་གྲངས་གཅིག་འགྱུར་འཆར་འགོད་དང་ལག་བསྟར་ཡག་པོ་བྱེད་དགོས།
ཁེ་ལས་ཆུང་གྲས་ཀྱིས་མཐོ་རིམ་སློབ་གྲྭའི་མཐར་ཕྱིན་སློབ་མ་ལས་ཞུགས་བྱེད་བཅུག་རྒྱུའི་སྲིད་ཇུས།ཁེ་ལས་ཆུང་གྲས་ཀྱིས་མཐོ་རིམ་སློབ་གྲྭའི་མཐར་ཕྱིན་སློབ་མ་གསར་དུ་བསྡུས་ནས་གཏན་འཁེལ་ལྟར་ལས་གནས་སུ་མ་ཞུགས་སྔོན་གྱི་གསོ་སྦྱོང་བྱེད་པར་ས་གནས་ཁག་གི་རང་ཡུལ་གྱི་དངོས་པོའི་རིན་གོང་ལ་གཞིགས་ནས་འོས་འཚམ་གྱི་སྒོ་ནས་གསོ་སྦྱོང་རིན་པར་ཁ་གསབ་བྱེད་པའི་ཚད་གཞི་མཐོ་རུ་གཏོང་དགོས།         མཐོ་རིམ་སློབ་གྲྭའི་མཐར་ཕྱིན་སློབ་མས་རང་བདག་གིས་ལས་ལམ་གསར་འབྱེད་བྱེད་པར་སྐུལ་མ་གཏོང་རྒྱུའི་སྲིད་ཇུས།ཡོངས་ཁྱབ་ཏུ་ལས་ལམ་གསར་སྐྲུན་གྱི་སློབ་གསོ་སྤེལ་ནས་མི་དོན་ལས་ཚབ་དང་ཡིག་ཚགས་དོ་དམ།སྤྱི་ཚོགས་ཉེན་འགོག་གི་འགྲོ་ལུགས་བསྒྲུབ་རྒྱུ་དང་རྒྱུན་མཐུད།ལས་གནས་ཐོབ་ཐང་དཔྱད་བསྡུར་གཏན་འབེབས་བྱེད་རྒྱུ།ཁེ་དབང་འགན་སྲུང་བྱ་རྒྱུ་སོགས་ཀྱི་ཞབས་ཞུ་ཡག་པོ་སྒྲུབ་པ་དང་།བཟོ་ཚོང་ཐོ་འགོད་གྱི་འགྲོ་ལུགས་མདོར་བསྡུས་བཟོས་ནས་མཐོ་རིམ་སློབ་གྲྭའི་མཐར་ཕྱིན་སློབ་མར་ལས་ལམ་གསར་འབྱེད་དང་བདག་གཉེར་བྱེད་ས་འདོན་སྤྲོད་བྱེད་དགོས།
སློབ་གྲྭ་ནས་བྲལ་རན་ཡོད་པའི་མཐོ་རིམ་སློབ་གྲྭའི་མཐར་ཕྱིན་སློབ་མར་ལས་ཞུགས་ལ་སྐུལ་འདེད་གཏང་རྒྱུའི་སྲིད་ཇུས།སློབ་གྲྭ་ནས་བྲལ་རན་ཡོད་པའི་མཐོ་རིམ་སློབ་གྲྭའི་མཐར་ཕྱིན་སློབ་མ་ལས་ཞུགས་བྱ་རྒྱུའི་རྗེས་འདེད་ཞབས་ཞུ་བྱེད་ཤུགས་ཆེ་རུ་བཏང་ནས་ལས་ཞུགས་བྱེད་འདོད་ཡོད་པའི་མཐོ་རིམ་སློབ་གྲྭའི་མཐར་ཕྱིན་སློབ་མར་རྒྱུན་མཐུད་ནས་ལས་གནས་ཆ་འཕྲིན་འདོན་སྤྲོད་དང་ལས་ཀ་འཚོལ་སྟངས་མཛུབ་སྟོན་བྱེད་དགོས།     
ལས་ཞུགས་བྱེད་སྟངས་མཛུབ་སྟོན་དང་ཞབས་ཞུ་བྱེད་ཤུགས་ཆེ་རུ་གཏོང་རྒྱུའི་སྲིད་ཇུས།འདོན་སྤྲོད་དང་དགོས་མཁོའི་ཆ་འཕྲིན་བཏོན་ས་བསྐྲུན་པ་དང་།ལས་ཞུགས་ལ་མཛུབ་སྟོན་བྱེད་པའི་སློབ་ཚན་ཁྲིད་པ་དང་སློབ་ཚན་འཛུགས་སྐྲུན་བྱེད་ཤུགས་ཆེ་རུ་གཏོང་རྒྱུ།
ལས་ཞུགས་བྱེད་མཁན་གཅིག་ཀྱང་མེད་པའི་ཁྱིམ་ཚང་དང་གཟིགས་སྐྱོང་བྱ་ཡུལ་གྱི་ཁྱིམ་ཚང་།ཞིང་སྡེའི་དབུལ་པོ་ཁྱིམ་ཚང་།གྲོང་ཁྱེར་དང་གྲོང་གསེབ་ཀྱི་ཆེས་མ་མཐའི་འཚོ་རྟེན་འགན་སྲུང་གི་ཁྱིམ་ཚང་།དབང་པོ་སྐྱོན་ཅན་སོགས་ལས་ཞུགས་བྱེད་དཀའ་བའི་མཐོ་རིམ་སློབ་གྲྭའི་མཐར་ཕྱིན་སློབ་མ་བཅས་གཙོ་གནད་དུ་བཞག་ནས་རོགས་སྐྱོར་བྱ་རྒྱུ་ཡིན་པ་རེད།