ཟླ་དང་པོའི་ཚེས་བཅུ་དགུ་ཉིན། རྒྱལ་ཡོངས་ཀྱི་འཆལ་ཕྱགས་འགལ་རྡུང་བྱ་བའི་བརྙན་འཕྲིན་ཁ་པར་གྲོས་ཚོགས་པེ་ཅིན་ནས་བསྡུས། ཀྲུང་གུང་ཀྲུང་དབྱང་ཆབ་སྲིད་ཅུའུ་ཡི་ཨུ་ཡོན། ཀྲུང་དབྱང་དྲིལ་སྒྲོག་པུའུ་ཡི་པུའུ་ཀྲང་། རྒྱལ་ཡོངས་འཆལ་ཕྱགས་འགལ་རྡུང་བྱ་བའི་ཚན་ཆུང་གི་ཚན་གཙོ་ལིག་ཆི་པའོ་གྲོས་ཚོགས་སུ་ཞུགས་པར་མ་ཟད་གཏམ་བཤད་གནང་།
ལིག་ཆི་པའོ་ཡིས་ཏང་གི་ཚོགས་ཆེན་ཐེངས་བཅོ་བརྒྱད་པ་དང་ཏང་གི་སྐབས་བཅོ་བརྒྱད་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་གསུམ་པ་དང་བཞི་བ་བཅས་ཀྱི་དགོངས་དོན་ལ་སློབ་སྦྱོང་ནན་མོ་དང་ལག་ལེན་མཐར་ཕྱིན་བྱེད་པ་དང་། སྤྱི་ཁྱབ་ཧྲུའུ་ཅི་ཞི་ཅིན་ཕེན་གྱི་གསུངས་བཤད་གལ་ཆེན་རབ་དང་རིམ་པའི་དགོངས་དོན་ལ་སློབ་སྦྱོང་དང་ལག་ལེན་མཐར་ཕྱིན་བྱས་ནས། ཁྲིམས་འགལ་གྱི་པར་སྐྲུན་དངོས་པོར་ཆམ་ཕབ་གཏོང་རྒྱུ་ལས་འགན་གཙོ་བོར་བརྩི་བ་དང་། མཉམ་འབྲེལ་དྲ་རྒྱ་བྱེད་ཐབས་གཙོ་བོར་བརྩི་བ། ཆེད་དོན་བྱ་སྤྱོད་སྤེལ་རྒྱུ་བྱ་བ་གཙོ་བོར་བརྩིས་ཏེ། ཉིན་རྒྱུན་གྱི་ལྟ་སྐུལ་དོ་དམ་ལ་ཤུགས་སྣོན་པ་དང་། གྱོད་གཞི་ཆེན་པོ་དང་གྱོད་གཞི་ཚབས་ཆེན་རྩད་གཅོད་ནན་མོ་བྱས་ནས། སྤྱོད་གཙང་གི་དྲ་རྒྱའི་རིག་གནས་ཁོར་ཡུག་སྔར་ལས་བཟང་བོ་བསྐྲུན་པ་དང་། སྟོབས་ཤུགས་ཡོད་རྒུ་བཏོན་ནས་འདུ་ཤེས་འཛིན་སྟངས་དང་རིག་གནས་ཀྱི་བདེ་འཇགས་ལ་སྲུང་སྐྱོབ་བྱེད་དགོས་ཞེས་ནན་གྱིས་བཤད།