རྒྱལ་རྩེ་ནི་བོད་ལྗོངས་ཀྱི་སྐད་གྲགས་ཡོད་པའི་ཁ་གདན་གྱི་ཕ་ཡུལ་ཡིན་ཞིང་། རྒྱལ་རྩེའི་ཁ་གདན་ནི་འཚེམ་ཚགས་དམ་ཞིང་བརྡར་ཟད་དཀའ་བ་དང་། མི་རིགས་ཀྱི་ཁྱད་ཆོས་ལྡན་པའི་རི་མོས་བརྒྱན་ཞིང་ཁ་དོག་རྣམ་པར་བཀྲག་བ་རེད། ད་བར་དུ་ལོ་ངོ900ལྷག་གི་གདན་བཟོའི་ལོ་རྒྱུས་ཡོད། མིང་ཆིན་རྒྱལ་རབས་ཀྱི་དུས་སུ་རྒྱལ་རྩེའི་ཁ་གདན་ནི་བོད་ལྗོངས་ས་གནས་སྲིད་གཞུང་གི་དཔོན་པོས་གོང་ལ་ལེགས་སྐྱེས་འབུལ་རྫས་གཙོ་བོ་ཡིན་པ་རེད། 2011ལོར་བོད་ལྗོངས་རྒྱལ་རྩེ་རྫོང་གི་ས་གདན་བཟོ་གྲྭར་རྒྱལ་ཁབ་རིག་གནས་པུའུ་ཡིས་རྒྱལ་ཁབ་རིམ་པའི་དངོས་མིན་རིག་གནས་ཤུལ་བཞག་ཐོན་སྐྱེད་རང་བཞིན་གྱི་སྲུང་སྐྱོང་དཔེ་སྟོན་བྱེད་ཡུལ་ཞེས་པའི་མཚན་སྙན་སྤྲད་པ་རེད།