དབྱི་ལིན་རྫོང་ནི་ཞིན་ཅང་གི་མི་འབོར་མང་བའི་རྫོང་ཞིག་ཡིན་ཞིང་།ས་ཞིང་གི་ཕན་འབྲས་དམའ་བས་ཡོང་འབབ་འཕར་སྣོན་གཏོང་རྒྱུའི་ཁུར་པོ་ལྗིད་པོ་ཡིན་པ་རེད།ཞིང་འབྲོག་པའི་ལས་ཞུགས་འཇོན་ནུས་མཐོ་རུ་གཏོང་ཆེད།2011ལོ་ནས་བཟུང་རྫོང་དེས་ལོ་རེའི་ཟླ་བ11པ་ནས་ཕྱི་ལོའི་ཟླ་བ3པའི་བར།ཞིང་སྡེའི་མི་ལག་ལྷག་མར་ལག་རྩལ་གསོ་སྦྱོང་བྱས་ཏེ་ད་ལྟར་མི24000ལ་གསོ་སྦྱོང་བྱས་ཡོད།དེའི་ནང་བརྒྱ་ཆ73ལས་ཞུགས་བྱེད་ཐུབ་ཡོད།དེ་དང་ཆབས་ཅིག   རྫོང་དེས་ད་དུང་ལས་རིགས་སློབ་གསོ་འཕེལ་རྒྱས་ཆེན་པོ་བཏང་ནས་སློབ་གྲྭ་དང་ཁེ་ལས་མཉམ་འབྲེལ་བྱེད་པའི་དཔེ་གཞི་ལག་བསྟར་བྱས་ཤིང་།ངལ་རྩོལ་འདུས་ཚད་ཆེ་བའི་ཐོན་ལས་ནང་འདྲེན་བྱས་ནས་ལས་རིགས་ལག་རྩལ་སློབ་གྲྭའི་སློབ་མར་དངོས་སུ་ལག་ལེན་བྱེད་སའི་གནས་གཞི་མཁོ་འདོན་བྱས་པས་སློབ་མ་རྣམས་བརྟན་ལྷིང་གི་སྒོ་ནས་ལས་ཞུགས་བྱེད་ཐུབ་པ་རེད།2013ལོར།རྫོང་ཡོངས་ཀྱི་ཞིང་འབྲོག་པའི་མི་རེའི་ཆ་སྙོམས་ཡོང་འབབ་སྒོར10179ལ་ཟིན།ལོ་དེར་ཡོང་འབབ་འཕར་བའི་སྒོར1100གི་ནང་ངལ་ལས་ཡོང་འབབ་སྒོར340ཟིན་པ་རེད།