ཉེ་ཆར་ཀྲུང་གོའི་པའེ་ཁྲེན་རྒྱང་སྐྱོད་འགྲུལ་སྐྱེལ་མ་རྐང་ཚད་ཡོད་སྤྱི་གཉེར་ཁང་གིས་བཟོས་པའི་རྒྱལ་ནང་གི་ཁ་ལོ་བ་མེད་པའི་ས་འོག་གི་མེ་འཁོར་ཨང་དང་པོ་དེ་ཧྲང་ཧའེ་ཡི2014ལོའི་ཀྲུང་གོའི་རྒྱལ་སྤྱིའི་ལྕགས་ལམ་འགྲིམ་འགྲུལ་འགྲེམས་སྟོན་དུ་སྟོན་ཡོད་པ་རེད།ངོ་སྤྲོད་བྱས་པར་གཞིགས་ན།མེ་འཁོར་དེའི་དམིགས་བསལ་གྱི་ཁྱད་ཆོད་ནི་སྔོན་ཐོན་གྱི་རང་འགུལ་ཅན་གྱི་བཀོལ་སྤྱོད་མ་ལག་སྤྱད་དེ་ཁ་ལོ་བ་མེད་ཀྱང་མེ་འཁོར་རང་འགུལ་གྱིས་གཏོང་ཆོག་པ་རེད།ཚོད་འཛིན་ལྟེ་གནས་ཀྱིས་བརྙན་ལེན་འཕྲུལ་ཆས་སྤྱད་དེ་མེ་འཁོར་གཏོང་ཚུལ་རྟོག་ཞིབ་བྱེད་ཆོག་ཅིང་།ཛ་དྲག་ཆེ་བའི་གནས་ཚུལ་བུད་པའི་སྐབས་སུ་ཉེན་བརྡ་སྐྱེལ་བའི་སྒྲིག་ཆས་སྤྱད་དེ་མེ་འཁོར་ནང་བསྡད་པའི་མི་སྣ་དང་ཁ་བརྡ་ལབ་ཆོག་པས།སྔར་ལས་ལྷག་པར་ས་འོག་གི་མེ་འཁོར་སྐྱོད་རིམ་གྱི་བདེ་འཇགས་རང་བཞིན་མཐོ་རུ་བཏང་ཡོད་པ་རེད།