ཞིན་ཧྭ་གསར་འགྱུར་ཁང་ལན་ཀྲུའུ་ནས་ཟླ་བ6པའི་ཚེས17ཉིན་འབྱོར་བའི་གཏམ་གསར། རང་རྒྱལ་གྱི་ལོ་ཏོག་རྨོ་འདེབས་བྱེད་པའི་གནས་གཞི་གལ་ཆེན་ཡིན་པར་ཆ་བཞག་ནས་བཤད་ན།  ཀན་སུའུ་ཞིང་ཆེན་གྱིས་འབྲུ་རིགས་ཐོན་སྐྱེད་ཀྱི་སྤྱོད་ཞིང་འདང་ངེས་ཡིན་པར་འགན་ལེན་བྱ་རྒྱུས་དམིགས་འབེན་བྱས་ཏེ་གནས་གཞི་འཛུགས་སྐྲུན་དང་ཚན་རྩལ་གསར་སྐྲུན་བྱེད་པ་སོགས་ཀྱི་བྱེད་ཐབས་བླངས་ཏེ། ཧུར་ཐག་གིས་ཕྱོགས་བསྡུས་ཀྱི་ཐོན་སྐྱེད་ནུས་པ་དེ་རྒྱལ་ནང་གི་སྔོན་ཐོན་ཆུ་ཚད་ཐོག་སླེབས་པའི་དེང་རབས་ཀྱི་འདེབས་འཛུགས་ལས་རིགས་ཀྱི་མ་ལག་འཛུགས་སྐྱོང་བྱེད་གང་ཐུབ་བྱས་པ་རེད།
　　ཤེས་རྟོགས་བྱུང་བར་གཞིགས་ན། 2014ལོ་ནས་བཟུང་། ཀན་སུའུ་ཞིང་ཆེན་གྱིས་ལོ་ཏོག་གི་སོན་བཟང་གསོ་སྤེལ་མ་ལག་དང་འདེབས་འཛུགས་ལས་རིགས་ཀྱི་ཚན་རྩལ་གསར་སྐྲུན་མ་ལག  ས་བོན་དོ་དམ་དང་ཞབས་ཞུ་མ་ལག་བཅས་འཛུགས་རྒྱུ་ཡིན་ལ། མ་རྨོ་ལོ་ཏོག་དང་ཞོག་ཁོག  གྲོ། ཀྭ་ཚལ་མེ་ཏོག  ལྦུ་ཆང་སོ་བ། པད་ཁ་བཅས་ཀྱིས་སོན་རིགས་གཙོ་བོ་བྱས་ཏེ་གཅིག་བསྡུས་བལྟོས་བཅས་ཡིན་པ་དང་ཡུན་རིང་བརྟན་བརླིང་ཡིན་པའི་གཞི་ཁྱོན་ཅན་དང་ཚད་ལྡན་ཅན། འཕྲུལ་ཆས་ཅན་གྱི་ས་བོན་ཐོན་སྐྱེད་གནས་གཞི་མུའུ་ཁྲི290འཛུགས་རྒྱུ་རེད།
དེ་དང་ཆབས་ཅིག   ཀན་སུའུ་ཡི་ས་བོན་གསོ་བའི་གསར་སྐྲུན་འཇོན་ནུས་མུ་མཐུད་ནས་མཐོ་རུ་ཕྱིན་ཡོད། མིག་སྔའི་བར་དུ་སླེབས་སྐབསཙ།ཀན་སུའུ་ཞིང་ཆེན་ཡོངས་ལ་བདམས་སྐྱོང་བྱས་ཏེ་གཏན་འབེབས་བྱས་པའི་ལོ་ཏོག་གི་རིགས་གསར་པ1469ཡོད། འཛམ་གླིང་དུ་ཨང་དང་པོའི་རྒྱུད་འདྲེས་ཁྱུ་མ་རིགས་དང་བཙའ་འགོག་གི་གྲོ་དང་ནན་ཀྭ་ཀྲོ་མ་ཀྲུ་སོགས་སོན་བཟང་འབོར་ཆེན་ཞིག་འདེབས་གསོ་བྱས་ཡོད། སོན་བཟང་གིས་འབྲུ་རིགས་ལ་བྱས་རྗེས་བཞག་ཚད་དེ2003ལོའི་བརྒྱ་ཆ36ནས་མིག་སྔར་གྱི་བརྒྱ་ཆ40ཡི་ཐོག་མཐོར་འདེགས་བྱུང་བ་རེད།