ཉེ་ཆར་རྒྱལ་ཁབ་རིག་གནས་པུའུ་ཡི་དངོས་པོ་མིན་པའི་རིག་གནས་ཤུལ་བཞག་སིའི་སི་ཀྲང་མར་ཝུན་ཧུའེ་ལ་ཞིང་ཆེན་རིག་གནས་ཐིང་གི་ཐིང་ཀྲང་གཞོན་པ་ཚེ་པོས་ཕེབས་རོགས་གནང་འོག      སི་ཁྲོན་ཞིང་ཆེན་བོད་ཡིག་སློབ་གྲྭ་རུ་ཕེབས་ནས་བོད་ཀྱི་ཐང་ཁ་རི་མོའི་སྒྱུ་རྩལ་ཀརྨ་སྒར་བྲིས་སློབ་ཁྲིད་བྱས་ཚུལ་ལ་བརྟག་དཔྱད་ཞིབ་བཤེར་གནང་བ་རེད།ཀརྨ་སྒར་བྲིས་ཀྱི་རྒྱལ་ཁབ་རིམ་པའི་གདན་རབས་པ།ཞིང་ཆེན་བོད་ཡིག་སློབ་གྲྭའི་མཐོ་རིམ་གྱི་འཆད་ཁྲིད་དགེ་རྒན་ཡོན་ཏན་ཚེ་རིང་གིས་ཀརྨ་སྒར་བྲིས་ཀྱི་ལོ་རྒྱུས་དང་རྒྱུན་འཛིན་གནས་ཚུལ།ད་ལྟའི་གནས་ཚུལ་བཅས་ཀྱི་སྐོར་མར་ཝུན་ཧུའེ་ལ་སྙན་སེང་ཞུ་བ་རེད།ཞིང་ཆེན་བོད་རིག་སློབ་གྲྭའི་འགན་ཁུར་མི་སྣས་སློབ་གྲྭའི་ཐང་ཁ་སྒྱུ་རྩལ་སློབ་ཁྲིད་བྱས་ཚུལ་སྐོར་སྙན་སེང་ཞུ་ཡོད།མར་ཝུན་ཧུའེ་ལྷན་ཕེབས་དང་བཅས་པས་སྙན་སེང་ལ་གསན་འཇོག་གནང་ཞོར་དུ་དགེ་སློབ་ཀྱིས་བྲིས་པའི་ཐང་ཚན་པ་གཅིག་ལ་གཟིགས་པས་མ་ཚད།ད་དུང་དགེ་སློབ་ཚོ་ལ་གནས་ཚུལ་འདྲི་རྟོགས་གནང་བ་རེད།སློབ་མས་བྲིས་པའི་རི་མོར་གཟིགས་ཞིབ་དང་སྙན་སེང་ལ་གསན་འཇོག་གནང་རྗེས་མར་ཝུན་ཧུའེ་ཡིས་ཞིང་ཆེན་བོད་ཡིག་སློབ་གྲྭའི་ཐང་གའི་སྒྱུ་རྩལ་གྱི་སློབ་གསོ་ལས་ཀ་ལ་གདེང་འཇོག་མཐོན་པོ་གནང་བ་མ་ཚད།ད་དུང་སློབ་གྲྭར་མུ་མཐུད་ནས་མི་རིགས་ཀྱི་ཕུལ་བྱུང་གི་སྲོལ་རྒྱུན་རིག་གནས་དར་སྤེལ་གཏོང་རྒྱུའི་ལས་ཀ་ཡག་མོ་བསྒྲུབས་ནས་སྤྱི་ཚོགས་རིང་ལུགས་ཀྱི་རིག་གནས་འཕེལ་རྒྱས་ཆེན་པོར་བྱས་རྗེས་གསར་པ་འཇོག་དགོས་ཞེས་ཐུགས་རེ་གནང་བ་རེད།