ཟླ5བའི་ཚེས12ཉིན།  གསར་འགོད་པས་མཚོ་སྔོན་ཞིང་ཆེན་སྲིད་གཞུང་གིས་སྤེལ་བའི་གསར་འགྱུར་ཁྱབ་བསྒྲགས་ཚོགས་འདུ་སྟེང་ཤེས་གསལ་བྱུང་བ་ལྟར་ན།  རྒྱལ་སྲིད་སྤྱི་ཁྱབ་ཁང་གསར་འགྱུར་གཞུང་སྒྲུབ་ཁང་དང་ཀྲུང་གོའི་རྩོམ་རིག་སྒྱུ་རྩལ་མཉམ་འབྲེལ་ལྷན་ཚོགས།ཀྲུང་གོའི་པར་ལེན་པའི་མཐུན་ཚོགས། ཞིང་ཆེན་ཏང་ཨུའི་དྲིལ་སྒྲོག་པུའུ་བཅས་ཀྱིས་གཙོ་སྒྲུབ་བྱས་པའི2014ལོའི་ཀྲུང་གོ་མཚོ་སྔོན་གྱི་གཙང་གསུམ་འབྱུང་ཡུལ་རྒྱལ་སྤྱིའི་པར་ལེན་དུས་ཆེན་ཟླ7པའི་ཚེས12ཉིན་ཟི་ལིང་གྲོང་ཁྱེར་མཁར་ལྷོ་རྒྱལ་སྤྱིའི་འགྲེམ་སྟོན་ལྟེ་གནས་སུ་བསྡུ་རྒྱུ་རེད།
 ཤེས་གསལ་ལྟར་ན།  ཐེངས་འདིའི་པར་ལེན་དུས་ཆེན་སྟེང“2014ལོའི་ཀྲུང་གོ་མཚོ་སྔོན་གྱི་གཙང་གསུམ་འབྱུང་ཡུལ་རྒྱལ་སྤྱིའི་པར་ལེན་དུས་ཆེན་ལས‘ཀྲུང་གོའི་སྤོ་སྒུལ4Gཡི་དུས་ཆད’ཞེས་པའི་པར་ལེན་འགྲེམ་སྟོན་བྱ་དགའ་བཙུགས་ཡོད།  པར་ལེན་དུས་ཆེན་རྩ་འཛུགས་ཨུ་ཡོན་ལྷན་ཚོགས་ཀྱིས་དུ་དུང་རྒྱལ་ཁབ་ཕྱི་ནང་གི་པར་ལེན་མཁན་གྲགས་ཅན་ཆེད་ཞུ་བྱས་ཏེ་ཞིབ་དཔྱད་ཨུ་ཡོན་ལྷན་ཚོགས་བཙུགས་པ་དང་།  འགྲེམ་སྟོན་ལ་ཞུགས་པའི་བརྩམས་ཆོས་ལས་བརྩམས་ཆོས10བདམས་ནས་བྱ་དགའ་གནང་རྒྱུ་རེད། དུས་མཚུངས་སུ་པར་ལེན་དུས་ཆེན་རྩ་འཛུགས་ཨུ་ཡོན་ལྷན་ཚོགས་ཀྱིས་རྒྱལ་ཁབ་ཕྱི་ནང་གི་པར་ལེན་མཁན་གྲགས་ཅན་དང་འབྲེལ་ཡོད་ཆེད་མཁན་རྣམས་གདན་ཞུ་བྱས་ནས་བགྲོ་གླེང་རབ་དང་རིམ་པ་སྤེལ་རྒྱུ་ཡིན་ལ།གཙོ་བོར་བརྗོད་དོན་བགྲོ་གླེང་དང་སྐྱེ་ཁམས་ཁོར་ཡུག་སྲུང་སྐྱོང་།  པར་ལེན་པ་ཕུལ་བྱུང་ཅན་གྱི་བརྩམས་ཆོས་དབྱེ་ཞིབ་སོགས་སྤེལ་རྒྱུ་རེད།  །