མཚོ་སྔོན་ཞིང་ཆེན་གྱི་སྡོད་ཁང་དང་གྲོང་ཁྱེར་དང་གྲོང་གསེབ་འཛུགས་སྐྲུན་ཐིང་ནས་ཤེས་རྟོགས་བྱུང་རྒྱུར།ད་ལོ་ནས་བཟུང་།མཚོ་སྔོན་ཞིང་ཆེན་གྱིས་རྫོང་གྲོང་ཁུལ་དང་ཡུལ་སྐོར་ལྗོངས་རྒྱུའི་འགྲིམ་འགྲུལ་ལམ་རྒྱུད་གཙོ་གནད་དུ་གཅིག་བསྡུས་ཀྱིས་སྐྱེ་ཁམས་སྲུང་སྐྱོང་དང་སྒྲིག་ཆས་ཆ་ཚང་།སྡོད་གནས་སྐྱིད་ལ་ལས་ཞུགས་བྱེད་བདེ་བ་བཅས་ཀྱི་མཛེས་སྡུག་ལྡན་པའི་གྲོང་ཁུལ་དང་གྲོང་རྡལ80བསྐྲུན་རྒྱུ་ཡིན་པ་རེད།དེ་དང་ཆབས་ཅིགསྡོད་ཁང་འགེབས་རྒྱུ་དང་ཞིང་གྲོང་གསར་པ་འཛུགས་སྐྲུན་དང་།སྐྱེ་ཁམས་སྲུང་སྐྱོང་།གཞན་ཡུལ་དུ་གནས་སྤོ་བ་སོགས་ཀྱི་རྣམ་གྲངས་དང་མ་དངུལ་ལེགས་སྒྲིག་ཕྱོགས་སྡུད་བྱས་ཏེ་ལོ་རེ་བཞིན་གཅིག་བསྡུས་ཀྱིས་མཐོ་སྒང་མཛེས་སྡུག་གི་གྲོང་གསེབ300བསྐྲུན་རྒྱུ་ཡིན་ཞིང་།ཞིང་སྡེའི་སྡོད་ཁང་འཛུགས་སྐྲུན་དང་མཛེས་སྡུག་ལྡན་པའི་གྲོང་གསེབ་འཛུགས་སྐྲུན་བྱ་རྒྱུ་གཉིས་ཟུང་འབྲེལ་བྱ་རྒྱུ་དང་།ཁོར་ཡུག་བཅོས་སྐྱོང་དང་རྨང་གཞི་སྒྲིག་ཆས།སྤྱི་པའི་ཞབས་ཞུ་སྒྲིག་ཆས་འཛུགས་སྐྲུན་བཅས་ཟུང་འབྲེལ་བྱས་ནས་གྲོང་གསེབ་གཅིག་བསྐྲུན་ན་མཛེས་སྡུག་ལྡན་པའི་གྲོང་གསེབ་ཅིག་ཆགས་པ་བྱ་རྒྱུ་རྒྱུན་འཁྱོངས་བྱས་ཏེ།ཞིང་འབྲོག་ཁུལ་གྱི་མི་སྡོད་ཁོར་ཡུག་ཇེ་མགྱོགས་སུ་ལེགས་བཅོས་བྱས་ནས2020ལོར་སླེབས་དུས་ཞིང་ཁ་མཛེས་ཤིང་གྲོང་སྡེ་མཛེས་པ།འཚོ་བ་སྐྱིད་པོ།ཁོར་ཡུག་དྭངས་གཙང་བཅས་ཀྱི་མཐོ་སྒང་གི་མཛེས་སྡུག་ལྡན་ལ་སྡོད་ས་སྐྱིད་པའི་གྲོང་གསེབ་ཚན་པ་གཅིག་བསྐྲུན་རྒྱུ་ཡིན་པ་རེད།