ཡུལ་ཤུལ་ལས་རིགས་ལག་རྩལ་སློབ་གྲྭ་དེ2010ལོའི་ཟླ་བ4པའི་ཚེས14ཉིན་བྱུང་བའི་ས་འགུལ་ཆེན་པོའི་ནང་སྨི་གྲུ་བཞི་མ་ཁྲི2ལས་བརྒལ་བའི་སློབ་གྲྭའི་ཁང་པར་གཏོར་བརླག་ཐེབས་པ་རེད།རིགས་སྣ་ཚོགས་ཀྱི་སློབ་ཁྲིད་སྒྲིག་ཆས་ཕལ་ཆེ་སྤྱོད་མི་ལོན་པར་གྱུར་ནས་དེའི་སྐབས་སུ་གནོད་སྐྱོན་ཆེས་ཚབས་ཆེན་ཐེབས་་པའི་སློབ་གྲྭའི་ཡ་གྱལ་ཞིག་ཡིན་པ་རེད།ཡུལ་ཤུལ་ལ་གནོད་སྐྱོན་ཐེབས་རྗེས་ཀྱི་ལས་རིགས་སློབ་གསོ་འཕེལ་རྒྱས་ཇེ་མགྱོགས་སུ་གཏོང་ཆེད།རྒྱལ་ཁབ་ཀྱིས་ཡུལ་ཤུལ་ལ་གནོན་སྐྱོན་ཐེབས་རྗེས་ཀྱི་ཁྱིམ་གཞིས་བསྐྱར་འཛུགས་བྱེད་སྐབས་མ་དངུལ་སྒོར་དུང་ཕྱུར4.5བཏང་སྟེ་ཡུལ་ཤུལ་གྱི་ལས་རིགས་ལག་རྩལ་སློབ་གྲྭ་བསྐྱར་འཛུགས་བྱས་ཡོད།བསྐྱར་འཛུགས་བྱས་རྗེས་ཀྱི་ཡུལ་ཤུལ་བོད་རིགས་རང་སྐྱོང་ཁུལ་གྱི་ལས་རིགས་ཚལ་རྩལ་སློབ་གྲྭ་དེ་ཡུལ་ཤུལ་བརྒྱད་གཅིག་ལས་རིགས་སློབ་གྲྭའི་མིང་དུ་བསྒྱུར་བ་དེ་ནི་ཀྲུང་དབྱང་དམག་ཨུས་བསྐྲུན་རོགས་བྱས་ཤིང་།ལན་གྲུ་དམག་ཁུལ་གྱི་སྐྲུན་འགན་ཁུར་བའི་རྐྱེན་གྱིས་རེད།སློབ་གྲྭའི་རྒྱ་ཁྱོན་མུའུ203.2ཡོད་ཅིང་།འཛུགས་སྐྲུན་གྱི་རྒྱ་ཁྱོན་ཁྱོན་བསྡོམས་སྨི་གྲུ་བཞི་མ་ཁྲི6.8ཡོད་པ་རེད།མིག་སྔར།ལས་རིགས་སློབ་གྲྭར་སློབ་མ4000ཉེ་བ་ཡོད་པ།སློབ་གྲྭས་ལོ་རེར་མིའི་ཐེངས་གྲངས3000ལ་རིགས་སོ་སོའི་ནུས་རྩལ་ཐད་ཀྱི་གསོ་སྐྱོང་སྦྱོང་བརྡར་བྱ་རྒྱུའི་འགན་འཁུར་ཏེ་ལས་རིགས་སློབ་གསོའི་མ་ལག་ཅུང་ཆ་ཚང་པོ་ཆགས་ཡོད་པ་རེད།