ཀྲུང་གོའི་བོད་ཀྱི་དྲ་བའི་འཕྲིན།བོད་རང་སྐྱོང་ལྗོངས་ཆབ་མདོ་ས་ཁུལ་གྱིས2014ལོའི་འགན་སྲུང་སྡོད་ཁང་གི་འཛུགས་སྐྲུན་རྣམ་གྲངས་ལག་བསྟར་བྱེད་པར་ཤུགས་བསྣན་ཏེ། ས་ཁུལ་རིམ་པ་དང་རྫོང11གི་སྤྱི་པའི་གླ་ཁང་གི་ལས་གཞིའི་ས་གནས་འདེམས་པའི་བྱ་བ་ལེགས་འགྲུབ་བྱུང་ཞིང་། འཆར་གཞི་ལྟར་ན་ཟླ4བའི་ཟླ་མཇུག་ཏུ་དངོས་སུ་འཛུགས་སྐྲུན་བྱེད་འགོ་ཚུགས་རྒྱུ་རེད། 
ད་ལོར་ཆབ་མདོ་ས་ཁུལ་གྱིས་སྤྱི་པའི་གླ་ཁང2122འཛུགས་སྐྲུན་བྱ་རྒྱུའི་ལས་འགན་ཡོད་དེ། འཛུགས་སྐྲུན་སྤྱིའི་གཞི་ཁྱོན་སྨི་གྲུ་བཞི་མ་ཁྲི8.488ཡོད་པ་དང་། སྤྱིལ་ཁྱིམ་ཁུལ་ཁྱིམ་ཚང3454བསྒྱུར་བཀོད་བྱ་རྒྱུའི་ལས་འགན་ཡོད་དེ་འཛུགས་སྐྲུན་སྤྱིའི་གཞི་ཁྱོན་སྨི་གྲུ་བཞི་མ་ཁྲི25ལྷག་ཡོད། དེ་མིན་འཁོར་རྒྱུག་སྡོད་ཁང1320ཉམས་གསོ་དང་བསྒྱུར་བཀོད་བྱ་རྒྱུའི་ལས་འགན་ཡོད་དེ། འཛུགས་སྐྲུན་སྤྱིའི་གཞི་ཁྱོན་སྨི་གྲུ་བཞི་མ་ཁྲི9.9བཅས་ཡོད་པ་རེད།