ཀྲུང་གོ་བོད་ཀྱི་དྲ་བའི་འཕྲིན།ཉེ་ལམ། མཚོ་སྔོན་ཞིང་ཆེན་ཚན་རྩལ་བྱ་དགའི་ཚོགས་ཆེན་དེ་མཚོ་སྔོན་གྲོས་ཚོགས་ལྟེ་གནས་སུ་གཟབ་རྒྱས་ངང་བསྡུས་ཤིང་། ད་ལྟའི་བར་རྒྱལ་ཁབ་ཕྱི་ནང་དུ་གཞི་རྒྱ་ཆེས་ཆེ་བའི་བོད་ཀྱི་གསོ་རིག་ཡིག་ཚགས་སྒྲིག་སྦྱོར་དང་མ་ལག་ལེགས་སྒྲིག་གི་ཞིབ་འཇུག་གྲུབ་འབྲས་ཏེ«བོད་ཀྱི་གསོ་རིག་ཀུན་བཏུས»ཞེས་པར་ཉིས་སྟོང་བཅུ་གསུམ་ལོའི་མཚོ་སྔོན་ཞིང་ཆེན་ཚན་རྩལ་འཕེལ་རྒྱས་ཀྱི་བྱ་དགའ་ཨང་དང་པོ་ཐོབ་ཅིང་། དེ་ནི་མིག་སྔའི་བར་རྒྱལ་ནང་དུ་བོད་ཀྱི་གསོ་རིག་ཡིག་ཚགས་ཞིབ་འཇུག་ཁྱབ་ཁོངས་སུ་བླངས་པའི་ཆེས་མཐོའི་བྱ་དགའ་རེད།  །