ཞིན་ཧྭ་གསར་འགྱུར་ཁང་གི་གློག་འཕྲིན་ལྟར།  ཁབ་མིག་གཅིག་དང་སྐུད་པ་ཆག་པ་གཅིག་གིས་བོད་ལུགས་ཀྱི་རི་མོ་ཞིག་འཚེམ་དྲུབ་བྱེད་ཐུབ་ཀྱི་ཡོད།ལོ་ངོ་བཅུ་ཡི་རིང་ལ་འཚེམ་དྲུབ་བྱས་པ་བརྒྱུད་མཚོ་སྔོན་ཞིང་ཆེན་མཚོ་ལྷོ་བོད་རིགས་རང་སྐྱོང་ཁུལ་མང་ར་རྫོང་གི་བོད་རིགས་བུ་མོ་ལྕགས་མོ་མཚོས་བོད་ལུགས་འཚེམ་དྲུབ་ལ་བརྟེན་ནས་རང་ཉིད་ཀྱི་འཚོ་བར་འགྱུར་བ་བཏང་ཡོད།
    སྤུས་ལེགས་ཀྱི་ཐང་ག་ཞིག་འཚེམ་དྲུབ་བྱེད་པར་ཉུང་ཤོས་ལ་ཟླ་བ་གཉིས་ཀྱི་དུས་ཚོད་དགོས་ཀྱི་ཡོད་པ་དང་།དེར་སྒོར་ཁྲི་གཅིག་གཡས་གཡོན་གྱི་རིན་གོང་རག་གི་ཡོད་ཅིང་།དེའི་རིན་ཐང་གནས་ས་ནི་སྲོལ་རྒྱུན་ལག་ཤེས་ཡིན་པའི་བོད་ཀྱི་འཚེམ་དྲུབ་ཀྱི་བཟོ་རྩལ་དེ་རེད།ལྕགས་མོ་མཚོས།བོད་ལུགས་འཚེམ་དྲུབ་ལས་ཀའི་ངོ་བོ་དེ་གང་ལ་གང་འཚམ་ཞིག་ཡོད།ཉིན་མོ་བོད་ལུགས་འཚེམ་དྲུབ་ལས་དོན་ཁང་ནང་འཚེམ་དྲུབ་བྱེད་པ་དང་།དགོང་མོ་ཡང་རང་ཉིད་ཀྱི་འཚེམ་བྱ་ནང་ལ་འཁྱེར་ནས་མུ་མཐུད་འཚེམ་དྲུབ་བྱས་ཆོག་གི་ཡོད།མང་ཙམ་འཚེམ་དྲུབ་བྱེད་ཐུབ་ན་ཟླ་བ་རེར་སྒོར་གསུམ་སྟོང་བཞི་སྟོང་ཙམ་ཡོང་གི་ཡོད་པ་དང་།དེ་སྔོན་ལས་ཀ་བྱེད་པར་འགྲོ་སྐབས་ཀྱི་ཡོང་འབབ་ལས་ཧ་ཅང་གིས་མང་བ་ཡོད་ཅེས་བཤད་ཡོད་པ་རེད།
    ལྕགས་མོ་མཚོས་ཟེར་བའི་བོད་ལུགས་འཚེམ་དྲུབ་ལས་དོན་ཁང་ནི་ས་གནས་དེ་གའི་འཚེམ་དྲུབ་སྐར་མ་མི་རིགས་བཟོ་ལས་ཐོན་རྫས་ཚད་ཡོད་འགན་འཁྲི་ཀུང་སི་ཡིན་པ་རེད།ཀུང་སི་འཛུགས་མཁན་ཡིན་པའི་སྒྲོལ་མ་སྐྱབས་ཀྱིས་མཚོ་སྔོན་མི་རིགས་ལག་ཤེས་བཟོ་རྩལ་ལས་རིགས་ཀྱི་ལས་གཉེར་བྱེད་སྟངས་གསར་པ་སྟེ་ཀུང་སི་དང་ཞིང་དུད་མཉམ་འབྲེལ་གྱི་རྣམ་པ་གསར་གཏོད་བྱས་ཡོད་པ་རེད།ད་ཆ་ཁོང་གིས་མཚོ་ལྷོ་ཁུལ་མང་ར་རྫོང་དང་ཁྲི་ཀ་རྫོང་།ཆབ་ཆ་རྫོང་བཅས་ལ་བོད་ལུགས་འཚེམ་དྲུབ་ཐོན་སྐྱེད་རྟེན་གཞི་༡༢བཙུགས་ཡོད་པ་དང་།ཐོན་སྐྱེད་ལས་སྣོན་བྱེད་ས་མཚོ་ལྷོ་ཁུལ་གྱི་གྲོང་ཚོ་དང་གྲོང་བརྡལ་༡༦ལ་ཁྱབ་ཡོད་པ།ལས་ཞུགས་ཁྱབ་ཚད་མཚོ་ལྷོ་ཁུལ་གྱི་རྫོང་ལྔའི་གྲོང་ཚོ་༤༠ཙམ་ལ་ཁྱབ་ཡོད་པ་རེད།
    ས་གནས་དེ་གའི་སྲིད་གཞུང་གིས་ལོ་མང་རིང་མཛུབ་ཁྲིད་བྱས་པ་བརྒྱུད་མང་རའི་བོད་ལུགས་འཚེམ་དྲུབ་དེ་ཞིང་འབྲོག་མང་ཚོགས་ཀྱི་རིག་གནས་འབབ་འཕར་ཕྱུག་འགྱུར་གྱི་ཐབས་ལམ་གལ་ཆེན་གྱི་གྲས་ཤིག་ལ་གྱུར་ཡོད།སྒྲོལ་མ་སྐྱབས་ནི་མཚོ་ལྷོ་ཁུལ་གྱི་བོད་ལུགས་འཚེམ་དྲུབ་ཐོན་ལས་གོང་འཕེལ་སྣེ་ཁྲིད་མཁན་གྱི་བསྡུས་རིས་ཙམ་ཞིག་རེད།ཉེ་བའི་ལོ་ཤས་རིང་ས་གནས་སྲིད་གཞུང་གི་མཛུབ་ཁྲིད་དང་རྒྱབ་སྐྱོར་འོགབོད་ལུགས་འཚེམ་དྲུབ་མཁན་མང་པོ་འབྲོག་ཁུལ་ནས་ཐོན་ཏེ་ཁྲོམ་རར་སྐྱོད་འགོ་ཚུགས་པ་དང་།ཁོང་ཚོའི་བོད་ལུགས་འཚེམ་དྲུབ་ཐོན་རྫས་ཀྱི་མཁོ་སྤྲོད་ད་དུང་འདིང་གི་མེད་པ་དང་།གྱང་ལ་བགལ་བྱའི་བོད་ལུགས་འཚེམ་དྲུབ་ཁག་ཅིག་ད་དུང་ཕྱིའི་རྒྱལ་ཁབ་ལ་བྲིན་ཚོང་བྱེད་ཀྱི་ཡོད་པ་རེད།བོད་རིགས་བུད་མེད་ནི་བོད་ལུགས་འཚེམ་དྲུབ་མཁན་གྱི་གཙོ་གཟུགས་ཡིན་པ་དང་།ཁོང་ཚོས་སྲོལ་རྒྱུན་གྱི་ལག་ཤེས་སྒྱུ་རྩལ་དེར་བརྟེན་ནས་ཕྱུག་འགྱུར་གྱི་ལམ་བུ་གསར་པ་གཏོད་པ་དང་།རང་ཉིད་ཀྱི་འཚོ་བ་གསར་པའི་འགོ་བཙུགས་ཡོད་པ་རེད།