ཀྲུང་གོའི་བོད་ཀྱི་དྲ་བའི་འཕྲིན།ཉེ་ལམ། གསར་འགོད་པས་བོད་རང་སྐྱོང་ལྗོངས་ནག་ཆུ་ས་ཁུལ་གྱི་སྲིད་འཛིན་ཀུང་ཧྲུའུ་ནས་རྒྱུས་ལོན་པ་ལྟར་ན། ཕྱུགས་ལས་ཐོན་རྫས་འཕེལ་རྒྱས་སྐོར་གྱི་གྲུབ་འབྲས་ཡོངས་སུ་འགྲེམ་སྟོན་བྱེད་ཆེད། ནག་ཆུ་ས་ཁུལ་གྱིས་སྤྱི་ཟླ12པའི་ཚེས15ཉིན་ནག་ཆུ་གྲོང་རྡལ་དུ་སྐབས་བདུན་པའི་ཕྱུགས་ལས་ཐོན་རྫས་བཀྲམ་འཚོང་ཚོགས་འདུ་བསྡུ་རྒྱུ་ཡིན་པས། སྐབས་དེར་ནག་ཆུ་ས་ཁུལ་གྱི་ཁྱད་ཆོས་ལྡན་པའི་ཕྱུགས་ལས་ཐོན་རྫས་དང་། ཀྲུང་དབྱིའི་སྨན་རྫས། རང་ཡུལ་གྱི་དམིགས་བསལ་ཐོན་རྫས། མི་རིགས་ལག་རྩལ་ཐོན་རྫས་བཅས་འགྲེམ་སྟོན་བྱ་རྒྱུ་རེད།  །