ཞིན་ཧྭ་གསར་འགྱུར་ཁང་གི་གློག་འཕྲིན་ལྟར། རྒྱལ་སྲིད་སྤྱི་ཁྱབ་ཁང་གི་ཙུང་ལི་ལི་ཁི་ཆང་གིས་ཉིས་སྟོང་བཅུ་བཞི་ལོའི་ཟླ་བཅུ་གཉིས་པའི་ཚེས་སོ་གཅིག་ཉིན་མགོ་འཛིན་མཛད་དེ་རྒྱལ་སྲིད་སྤྱི་ཁྱབ་ཁང་གི་རྒྱུན་ལས་གྲོས་ཚོགས་བསྡུས་ཏེ།ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་སྲིད་གཞུང་གི་ཉོ་སྡུད་བཅའ་ཁྲིམས་ལག་བསྟར་སྲོལ་ཡིག་འཆར་ཟིན་ལ་གྲོས་ཞིབ་བྱས་ནས་གྲོས་འཆམ་བྱུང་བ་དང་།སྤྱི་ཚོགས་རྒུད་སྐྱོབ་སྲིད་ཇུས་དངོས་འབེབས་བྱེད་པ་དང་དཀའ་ཁག་ཆེ་བའི་མང་ཚོགས་ཀྱི་གཞི་རྩའི་འཚོ་བ་འགན་སྲུང་བྱེད་པར་བཀོད་སྒྲིག་བྱས་པར་མ་ཟད་ཕྱིར་གཏོང་ཁྲལ་དངུལ་ཕྱིར་སྤྲོད་པའི་ལམ་ལུགས་འཐུས་ཚང་དུ་བཏང་ནས་ཕྱི་ཕྱོགས་ཉོ་ཚོང་སྤུས་ཚད་ཇེ་མཐོར་གཏོང་བར་སྐུལ་འདེད་གཏོང་རྒྱུའི་ཐག་བཅད།
ཚོགས་ཐོག་ནས་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་སྲིད་གཞུང་གི་ཉོ་སྡུད་བཅའ་ཁྲིམས་ལག་བསྟར་སྲོལ་ཡིག་འཆར་ཟིན་ལ་གྲོས་ཞིབ་བྱས་ནས་གྲོས་འཆམ་བྱུང་བ་དང་།ཉོ་སྡུད་བཅའ་ཁྲིམས་ལག་བསྟར་སྲོལ་ཡིག་འཆར་ཟིན་ལས་སྲིད་གཞུང་གི་ཉོ་སྡུད་བཅའ་ཁྲིམས་ལ་གཏན་འཁེལ་ཞིབ་མོ་བྱས་ཡོད།གཅིགསྲིད་གཞུང་གིས་ཉོ་སྡུད་བྱེད་པའི་སྲིད་ཇུས་ནུས་པ་ཇེ་ཆེར་གཏོང་དགོས།གཉིས།སྲིད་གཞུང་གིས་ཉོ་སྡུད་བྱེད་པའི་མགོ་ཁུངས་དང་མཇུག་འབྲས་དོ་དམ་ལ་ཤུགས་སྣོན་དགོས།གསུམ།ཆ་འཕྲིན་ཁྱབ་སྒྲོག་ནུས་པ་ཇེ་ཆེར་གཏོང་དགོས།བཞི།སྲིད་གཞུང་ཉོ་སྡུད་བྱ་སྤྱོད་ཀྱི་ལྟ་ལྟོག་དོ་དམ་དང་སྤྱི་ཚོགས་ལྟ་རྟོག་དོ་དམ་ལ་ཤུགས་སྣོན་དགོས་པ་བཅས་རེད།
ཚོགས་ཐོག་ནས་བསྟན་དོན།ད་ལོར་ས་ཁུལ་དང་ལས་ཁུངས་སོ་སོས་རྒྱལ་སྲིད་སྤྱི་ཁྱབ་ཁང་གིས་འགྲེམ་སྤེལ་དང་ལག་བསྟར་བྱས་པའི་སྤྱི་ཚོགས་རྒུད་སྐྱོབ་གནས་སྐབས་ལག་བསྟར་བྱེད་ཐབས་ནན་ཏན་སྒོས་དངོས་འབེབས་བྱས་ཏེ།ཆ་ཚང་ལམ་ལུགས་འཐུས་ཚང་དུ་བཏང་ཞིང་རྒུད་སྐྱོབ་དངུལ་གཏོང་ཇེ་མང་དུ་བཏང་ནས་གྲུབ་འབྲས་མངོན་གསལ་བླངས།ཕྱིན་ཆད་མུ་མཐུད་དུ་ཕན་ནུས་ལྡན་པའི་སྒོ་ནས་དཀའ་ཁག་ཆེ་བའི་མང་ཚོགས་ཀྱི་གཞི་རྩའི་འཚོ་བར་འགན་སྲུང་བྱེད་པའི་བྱ་བ་བཟང་བོར་བསྒྲུབ་དགོས་ཟེར།
ཚོགས་ཐོག་ནས་སྲིད་སྡུད་དབང་གཏོང་ལ་ཤུགས་བསྣན་ནས་ཕྱིར་གཏོང་ཁྲལ་དངུལ་ཕྱིར་སྤྲོད་པའི་ནང་རྐྱེན་འཐུས་ཚང་དུ་གཏོང་རྒྱུའི་ཐག་བཅད།ཚོགས་ཐོག་ནས་ད་དུང་དོན་དག་གཞན་དག་ལ་ཞིབ་འཇུག་བྱས།  །