ཀྲུང་གོ་བོད་ཀྱི་དྲ་བའི་འཕྲིན། བོད་ལྗོངས་ནགས་ལས་རྟོག་ཞིབ་འཆར་འགོད་ཞིབ་འཇུག་ཁང་གིས་ཆེས་གསར་དུ་བསྡོམས་རྩིས་བྱས་པའི་གཞི་གྲངས་ལྟར་ན། བོད་ལྗོངས་སུ་ནགས་ཀྱི་སྐྱེ་ཚད་སྨི་རྒྱ་དཔང་དུང་ཕྱུར20.86ལ་སླེབས་ཡོད་དེ། 2002ལོ་དང་བསྡུར་ན་སྨི་རྒྱ་དཔང་དུང་ཕྱུར1.93འཕར་སྣོན་བྱུང་ཡོད་ལ། རྒྱལ་ཡོངས་ཀྱི་ནགས་ཀྱི་སྐྱེ་ཚད་ཀྱི13.78%ཟིན་ནས་རྒྱལ་ཡོངས་ཀྱི་ཨང་དང་པོར་གྱུར་ཡོད་པ་རེད།
བོད་ལྗོངས་ཀྱི་ནགས་ཚལ་ཐོན་ཁུངས་སྐོར་གཉིས་བའི་རྟོག་ཞིབ་བྱ་བར་ཞུགས་པའི་རང་སྐྱོང་ལྗོངས་ནགས་ལས་རྟོག་ཞིབ་འཆར་འགོད་ཞིབ་འཇུག་ཁང་གི་མགོ་གཙོ་ཀྲུའུ་ཞུའེ་ལིན་གྱིས་བཤད་རྒྱུར། བོད་ལྗོངས་ཀྱི་ནགས་ཚལ་གཞི་ཁྱོན་སྤྱི་ཆིང་ཁྲི1684.86ཡོད་པ་དང་། ནགས་ཚལ་ཁྱབ་ཚད14.01%ལ་སླེབས་ཡོད་དེ། 2002ལོའི་ནགས་ཚལ་ཐོན་ཁུངས་ཞིབ་བཤེར་ཐེངས་དང་པོའི་གཞི་གྲངས་སྐོར་གཉིས་བ་དང་བསྡུར་ན། སྤྱི་ཆིང་ཁྲི195འཕར་སྣོན་བྱུང་ཞིང་། ལོ12རིང་ལ་ནགས་ཚལ་སྐྱེ་ཚད10.21%འཕར་ཡོད། ལོ་བཅུ་ལྷག་གི་རིང་ལ། བོད་ལྗོངས་ཀྱི་ནགས་ཚལ་ཐོན་ཁུངས་ཀྱི་གཞི་ཁྱོན་དང་སྐྱེ་ཚད་སོ་སོ་ནས་འཕར་སྣོན་བྱུང་ཡོད་དེ། སྐྱེ་ཁམས་ཁོར་ཡུག་གི་སྤུས་ཚད་མུ་མཐུད་དུ་ཇེ་མཐོར་འགྲོ་བཞིན་ཡོད་ཟེར།  །