ཞིན་ཧྭ་གསར་འགྱུར་ཁང་པེ་ཅིན་ནས་འབྱོར་བའི་གཏམ་གསར།ནོར་སྲིད་པུའུ་ནས་ཤེས་རྟོགས་བྱུང་རྒྱུར། ཁ་གསབ་རོགས་དངུལ་བསྐྱར་སྣོན་བྱས་པ་བརྒྱུད་ནས2012ལོར་ཀྲུང་དབྱང་ནོར་སྲིད་ཀྱིས་ཁྱོན་བསྡོམས་རིན་པ་མི་དགོས་པའི་སློབ་དེབ་ཉོ་སའི་མ་དངུལ་སྒོར་དུང་ཕྱུར134.4བཏང་སྟེ། རྒྱལ་ཡོངས་ཀྱི་ཞིང་སྡེའི་འོས་འགན་སློབ་གསོ་དུས་རིམ་གྱི་སློབ་མ་དུང་ཕྱུར1.3ཙམ་ལ་རིན་པ་མི་དགོས་པའི་རྒྱལ་ཁབ་ཀྱིས་གཏན་འཁེལ་བྱས་པའི་སློབ་ཚན་གྱི་སློབ་དེབ་ཐོབ་པ་རེད།
2007ལོའི་སྟོན་དུས་ཀྱི་སློབ་འགོ་ཚུགས་པ་ནས་བཟུང་། ཀྲུང་དབྱང་ནོར་སྲིད་ཀྱིས་རྒྱལ་ཡོངས་ཀྱི་ཞིང་སྡེ་ས་ཁུལ་གྱི་འོས་འགན་སློབ་གསོ་དུས་རིམ་གྱི་སློབ་མ་ཡོངས་ལ་རྒྱལ་ཁབ་ཀྱིས་གཏན་འཁེལ་བྱས་པའི་སློབ་ཚན་གྱི་སློབ་དེབ་ལ་རིན་པ་མི་དགོས་པ་བྱས། 2008ལོའི་དཔྱིད་དུས་ཀྱི་སློབ་འགོ་ཚུགས་པ་ནས་བཟུང་། རྒྱལ་ཁབ་ཀྱི་སློབ་ཚན་སློབ་དེབ་ཆ་ཤས་འཁོར་རྒྱུག་བེད་སྤྱོད་བྱེད་པའི་ལམ་ལུགས་བཙུགས་པ་རེད།
འཁོར་རྒྱུག་བེད་སྤྱོད་བྱེད་པའི་སློབ་ཚན་སློབ་དེབ་ཀྱི་སྤུས་ཀ་དང་སློབ་དེབ་འཁོར་རྒྱུག་བེད་སྤྱོད་ཀྱི་ལས་ཀ་རྒྱུན་ལྡན་ངང་འཁོར་སྐྱོད་བྱེད་པར་འགན་སྲུང་བྱེད་ཆེད། 2009ལོ་ནས་བཟུང་ཀྲུང་དབྱང་ནོར་སྲིད་ཀྱིས་ལོ་རེར་རིན་པ་མི་དགོས་པའི་སློབ་དེབ་ཀྱི་བསྡུར་ཚད་ངེས་ཅན་ལྟར་མ་དངུལ་བཀོད་སྒྲིག་བྱས་ཏེ་འཁོར་རྒྱུག་བེད་སྤྱོད་བྱེད་པའི་སློབ་དེབ་ལ་ཁ་སྣོན་དང་གསར་བསྒྱུར་བྱས་ཡོད་པ་རེད།