ཟླ་བ6པའི་ཚེས5ཉིན་གྱི་སྔ་དྲོར།རྒྱལ་ཁབ་མི་རིགས་ལས་དོན་ཨུ་ལྷན་དང་སི་ཁྲོན་ཞིང་ཆེན་མི་དམངས་སྲིད་གཞུང་གིས་གཙོ་གཉེར་བྱས་པ་དང་ཀྲུང་གུང་དཀར་མཛེས་ཁུལ་ཨུ་དང་ཁུལ་སྲིད་གཞུང་།པེ་ཅིན་མི་རིགས་རིག་གནས་ཁང་།སི་ཁྲོན་ཞིང་ཆེན་མི་རིགས་ཆོས་ལུགས་ལས་དོན་ཨུ་ལྷན་བཅས་ཀྱིས་སྒྲུབ་འགན་ཁུར་བའི་རྒྱལ་ཡོངས་མི་རིགས་རང་སྐྱོང་ཁུལ་གྱི་གྲུབ་འབྲས་འགྲེམས་སྟོན་ཏེ་དྲི་མེད་དྭངས་གཙང་གི་དཀར་མཛེས་པེ་ཅིན་དུ་སྐྱོད་པ་ཞེས་པའི་སི་ཁྲོན་བོད་ཁུལ་གྱི་རིག་གནས་ལྗོངས་རྒྱུ་དྲིལ་བསྒྲགས་གཟའ་འཁོར་གྱི་བྱེད་སྒོ་རབ་རིམ་གྱི་མཛད་སྒོ་དེ་པེ་ཅིན་མི་རིགས་རིག་གནས་ཁང་དུ་སྤེལ་འགོ་ཚུགས་པ་རེད།
    ཀྲུང་གུང་ཀྲུང་དབྱང་འཐབ་ཕྱོགས་གཅིག་གྱུར་པུའུ་ཡི་པུའུ་ཀྲང་གཞོན་པ་སྲི་ཐར་སྤེལ་འགོ་ཚུགས་པའི་མཛད་སྒོའི་ནང་ཞུགས་ཡོད།རྒྱལ་ཁབ་མི་རིགས་ལས་དོན་ཨུ་ལྷན་གྱི་ཀྲུའུ་རེན་གཞོན་པ་དོན་འགྲུབ་ངག་འབུམ་གྱིས་བྱེད་སྒོ་རབ་རིམ་དངོས་སུ་སྤེལ་བ་བསྒྲགས་པ་རེད།ཞིང་ཆེན་སྲིད་གཞུང་གི་ཞིང་དཔོན་གཞོན་པ་ཧང་ཡན་རུང་དང་ཁུལ་ཨུའི་ཧྲུའུ་ཅི་ཧུའུ་ཁྲང་ཧྲེང་རྣམ་གཉིས་ཀྱིས་ཁག་དབྱེ་ནས་སྤེལ་འགོ་ཚུགས་པའི་མཛད་སྒོ་ཐོག་ཤིས་ཚིག་ཕུལ་བ་རེད།ཁུལ་ཨུའི་ཧྲུའུ་ཅི་གཞོན་པ།ཁུལ་དཔོན་ཡེ་ཤེས་ཟླ་བས་གཙོ་འགན་བཞེས་པ་རེད།
    ཞིང་ཆེན་སྲིད་གཞུང་གི་ཞིང་དཔོན་ཝེ་ཧུང་གི་མངགས་བཅོལ་ལྟར་ཧང་ཡོན་རུང་གིས་ཞིང་ཆེན་མི་དམངས་སྲིད་གཞུང་གི་ཚབ་ཞུས་ནས་སྐུ་མགྲོན་རྣམས་ལ་སྙིང་ཐག་པ་ནས་དགའ་བསུ་ཞུ་བ་དང་སི་ཁྲོན་བོད་ཁུལ་གྱི་རིག་གནས་ལྗོངས་རྒྱུ་འཕེལ་རྒྱས་ལ་ཐུགས་ཁུར་དང་རྒྱབ་སྐྱོར་གནང་མཁན་ལས་རིགས་ཁག་གི་གྲོགས་པོ་རྣམས་ལ་ཐུགས་རྗེ་ཆེ་ཞུ།ཧང་ཡན་རུང་གིས་བསྟན་དོན།སི་ཁྲོན་ཞིང་ཆེན་ཏང་ཨུ་དང་ཞིང་ཆེན་སྲིད་གཞུང་གིས་དཀར་མཛེས་བོད་ཁུལ་གྱི་རིག་གནས་ལྗོངས་རྒྱུ་འཕེལ་རྒྱས་ལ་མཐོང་ཆེན་ཚད་མཐོན་པོ་གནང་ནས་ཞིང་ཆེན་ཏང་ཨུའི་སྐབས་བཅུ་པའི་ཚང་འཛོམས་གྲོས་ཚོགས་ཐེངས་བཞི་པའི་ཐོག་ཞིང་ཆེན་ནུབ་བྱང་གི་བོད་ཁུལ་ལ་སྔོན་དུ་སྐྱེ་ཁམས་དཔལ་འབྱོར་དང་ལྗོངས་རྒྱུ་དཔལ་འབྱོར་འཕེལ་རྒྱས་གཏོང་དགོས་པ་གསལ་པོར་བཏོན་ཡོད།རྒྱལ་ས་པེ་ཅིན་དུ་དཀར་མཛེས་བོད་ཁུལ་གྱི་འཕེལ་རྒྱས་གྲུབ་འབྲས་དང་ལྗོངས་རྒྱུ་པར་རིས།རིག་གནས་དངོས་རྫས་སྤུས་དགདངོས་མིན་རིག་གནས་ཤུལ་བཞག་རྣམ་གྲངས་བཅས་ཀྱི་འགྲེམས་སྟོན་བྱེད་སྒོ་རབ་དང་རིམ་པ་སྤེལ་བའི་དམིགས་ཡུལ་ནི་བོད་ཁུལ་གྱི་རིག་གནས་ལྗོངས་རྒྱུ་ཐོན་ཁུངས་ངོ་སྤྲོད་དང་དྲིལ་བསྒྲགས་བྱེད་པ་དང་སི་ཁྲོན་མི་རིགས་ས་ཁུལ་གྱི་སྐད་གྲགས་འགྲོ་ཚད་མཐོ་རུ་གཏང་རྒྱུ།མི་རིགས་ས་ཁུལ་གྱི་མཛེས་སྡུག་ལྡན་པའི་འཕེལ་རྒྱས་ཀྱི་མདུན་ལྗོངས་དང་མི་དམངས་མང་ཚོགས་ཀྱི་བདེ་སྐྱིད་ཀྱི་འཚོ་བ།འཆམ་མཐུན་ཡར་ཐོན་གྱི་རྣམ་པ་བཅས་བསྟན་ནས་བོད་ཁུལ་གྱི་དཔལ་འབྱོར་སྤྱི་ཚོགས་འཕེལ་རྒྱས་ཡོང་བར་དྲང་ནུས་དེ་བས་ཆེན་པོ་འགྲིལ་ཐུབ་པའི་ཆེད་དུ་རེད།
    ཧུའུ་ཁྲང་ཧྲེང་གིས་དཀར་མཛེས་ཁུལ་ཨུ་དང་ཁུལ་སྲིད་གཞུང་།དཀར་མཛེས་ཁུལ་མི་རིགས་ཁག་གི་མི་དམངས་ཁྲི112ཀྱི་ཚབ་ཞུས་ནས་མཛད་སྒོའི་ནང་ཞུགས་པའི་འགོ་ཁྲིད་རྣམ་པ་དང་ལས་རིགས་ཁག་གི་གྲོགས་པོ་རྣམ་པར་སྙིང་ཐག་པ་ནས་དགའ་བསུ་དང་ཐུགས་རྗེ་ཆེ་ཞུས་པ་རེད།ཁོང་གིས་དཀར་མཛེས་ཁུལ་ནི་གཏིང་ཟབ་པའི་རིག་གནས་ཀྱི་ནང་དོན་ཞིབ་ཆ་དང་སྐྱེ་ཁམས་ཐོན་ཁུངས་དང་ལྗོངས་རྒྱུ་ཐོན་ཁུངས་ཕུན་སུམ་ཚོགས་པོ་འདུས་པའི་ས་གནས་ཤིག་ཡིན་པས།ལས་རིགས་ཁག་གི་གྲོགས་པོ་རྣམ་པ་ལྗོངས་རྒྱུ་ཡོང་བ་དང་ཐོན་ཁུངས་གསར་སྦོལ་མཉམ་ལས་ཡོང་ན་དགའ་སྤྲོ་ཤིན་ཏུ་ཆེ་ཞེས་ཞུས་པ་རེད།
    ཡེ་ཤེས་ཟླ་བས་སྤེལ་འགོ་ཚུགས་པའི་མཛད་སྒོའི་གཙོ་འགན་བཞེས་སྐབས་སྒྲུབ་འགན་ཁུར་བའི་སྡེ་ཚན་གྱི་ཚབ་ཞུས་ནས་ཐེངས་འདིའི་བྱེད་སྒོར་ཐུགས་ཁུར་གནང་བ་དང་རྒྱབ་སྐྱོར་བྱེད་མཁན་འགོ་ཁྲིད་དང་བློ་མཐུན།གྲོགས་པོ་རྣམ་པར་སྙིང་ཐག་པ་ནས་བཀའ་དྲིན་ཆེ་ཞུ་བར་མ་ཚད།ད་དུང་སྐུ་མགྲོན་རྣམ་པར་བྱེད་སྒོའི་གནས་ཚུལ་ངོ་སྤྲད་བྱས་པ་རེད།བྱེད་སྒོ་དེ་ཟླ་བ6པའི་ཚེས5ཉིན་ནས་ཚེས11ཉིན་བར་པེ་ཅིན་དུ་སྤེལ་བ།ཀྲུང་གུང་ཀྲུང་དབྱང་དྲིལ་བསྒྲགས་པུའུ་དང་ཀྲུང་དབྱང་འཐབ་ཕྱོགས་གཅིག་གྱུར་པུའུ་སོགས་དང་སི་ཁྲོན་ཞིང་ཆེན་སྲིད་གཞུང་།སི་ཁྲོན་ཞིང་ཆེན་སྲིད་གྲོས།སི་ཁྲོན་ཞིང་ཆེན་ཏང་ཨུའི་དྲིལ་བསྒྲགས་པུའུ་སོགས་རྒྱལ་ཁབ་དང་ཞིང་ཆེན་གྱི་སྡེ་ཁག་གི་འགོ་ཁྲིད་དང་རིག་གནས་ལས་རིགས་དང་ཆོས་ལུགས་ལས་རིགས།ཁེ་ལས་།སྐད་གྲགས་ཅན་གྱི་སློབ་ཆེན་སོགས་ཀྱི་འགོ་ཁྲིད་རྣམ་པ་འགོ་ཚུགས་པའི་མཛད་སྒོའི་ནང་ཞུགས་ཡོད།
    ཞིན་ཧྭ་གསར་འགྱུར་ཁང་དང་མི་དམངས་ཉིན་རེའི་ཚགས་པར།ཀྲུང་དབྱང་བརྙན་འཕྲིན་ཁང་སོགས་གསར་འགྱུར་སྨྱན་སྦྱོར་ཁང་ཁག་གིས་བྱེད་སྒོ་ལ་བཅར་འདྲི་བྱས་པ་རེད།