ཞིན་ཧྭ་གསར་འགྱུར་ཁང་ལྷ་ས་ནས་ཟླ་བ6པའི་ཚེས2ཉིན་འབྱོར་བའི་གཏམ་གསར། གསར་འགོད་པས་བོད་རང་སྐྱོང་ལྗོངས་སློབ་གསོ་ཐིང་ནས་ཤེས་རྟོགས་བྱུང་རྒྱུར། ཤང་དང་གྲོང་རྡལ་དགེ་རྒན་གྱི་གླ་ཕོགས་མཐོ་རུ་གཏོང་བའི་ཆེད་དུ་ད་ལོར་བོད་ལྗོངས་ཀྱིས་ལྗོངས་ཡོངས་ཀྱི་ཤང་དང་གྲོང་རྡལ་གྱི་དགེ་རྒན་ལ་འཚོ་བའི་ཁ་གསབ་རོགས་དངུལ་སྤྲད་པས་མི་ཁྲི1.6ལ་ཕན་པ་ཐོབ་པ་རེད།
    རང་སྐྱོང་ལྗོངས་སློབ་གསོ་ཐིང་གི་ཐིང་ཀྲང་མ་ཧྲེན་ཁྲང་གིས་ངོ་སྤྲོད་བྱས་པར་གཞིགས་ན། བོད་ལྗོངས་ཀྱི་ཤང་དང་གྲོང་རྡལ་གྱི་དགེ་རྒན་དཔུང་སྡེ་འཛུགས་པར་ཤུགས་སྣོན་རྒྱག་པ་དང་། ཤང་དང་གྲོང་རྡལ་གྱི་སློབ་གསོ་བྱ་གཞག་མགྱོ གས་མྱུར་ངང་འཕེལ་རྒྱས་ཡོང་བར་སྐུལ་འདེད་གཏོང་ཆེད། བོད་ལྗོངས་ཀྱིས2014ལོའི་ཟླ་བ1པོའི་ཚེས1ནས་བཟུང་ལྗོངས་ཡོངས་ཀྱི་ཤང་དང་གྲོང་རྡལ་གྱི་དགེ་རྒན་ལ་འཚོ་བའི་ཁ་གསབ་རོགས་དངུལ་སྤྲད་ཅིང་། དེའི་ནང་བོད་སྐྱོར་དགེ་རྒན་དང་གན་རྒྱ་ལམ་ལུགས་ཀྱི་བཟོ་པ་བཅས་ཚུད་པ་རེད།
    ཤེས་རྟོགས་བྱུང་བར་གཞིགས་ན། ས་བབ་མཐོ་ཚད་སྨི4000མན་གྱི་རིགས་གཉིས་པའི་ས་ཁུལ་གྱི་མཐའ་མཚམས་མིན་པའི་ཤང་དང་གྲོང་རྡལ་གྱི་དགེ་རྒན་དང་ལས་བྱེད་པ་མི་རེར་ཟླ་རེར་སྒོར300དང་མཐའ་མཚམས་ཀྱི་ཤང་དང་གྲོང་རྡལ་གྱི་དགེ་རྒན་དང་ལས་བྱེད་པ་མི་རེར་ཟླ་རེར་སྒོར350 ས་བབ་སྨི4000ནས4500བར་གྱི་རིགས་གསུམ་པའི་ས་ཁུལ་གྱི་མཐའ་མཚམས་མིན་པའི་ཤང་དང་གྲོང་རྡལ་གྱི་དགེ་རྒན་དང་ལས་བྱེད་པ་མི་རེར་ཟླ་རེར་སྒོར600དང་མཐའ་མཚམས་ཤང་དང་གྲོང་རྡལ་གྱི་དགེ་རྒན་དང་ལས་བྱེད་པ་མི་རེར་ཟླ་རེར་སྒོར650 ས་བབ་སྨི4500ཡན་གྱི་རིགས་བཞི་པའི་ས་ཁུལ་གྱི་མཐའ་མཚམས་མིན་པའི་ཤང་དང་གྲོང་རྡལ་གྱི་དགེ་རྒན་དང་ལས་བྱེད་པ་མི་རེར་ཟླ་རེར་སྒོར900དང་མཐའ་མཚམས་ཀྱི་ཤང་དང་གྲོང་རྡལ་གྱི་དགེ་རྒན་དང་ལས་བྱེད་པ་མི་རེར་ཟླ་རེར་སྒོར950བཅས་འཚོ་བའི་ཁ་གསབ་སྤྲད་པ་རེད།