ཞིན་ཧྭ་གསར་འགྱུར་ཁང་པེ་ཅིན་ནས་ཟླ་བ5པའི་ཚེས26ཉིན་འབྱོར་བའི་གཏམ་གསར།རྒྱལ་སྲིད་སྤྱི་ཁྱབ་ཁང་གི་གཞུང་ལས་ཁང་གིས་གོང་ཚེས་ཉིན་འགྲེམས་སྤེལ་བྱས་པའི《2013ལོའི་ཀྲུང་གོ་མིའི་ཐོབ་ཐང་སྐར་གྱི་བྱ་གཞག་ཡར་ཐོན་བྱུང་ཚུལ》ཞེས་པའི་དེབ་ཐེར་རྒྱབ་ཤ་དཀར་པོའི་ནང་བསྟན་རྒྱུར།2013ལོར་ཀྲུང་གོའི་གྲངས་ཉུང་མི་རིགས་ཀྱི་རིག་གནས་དང་མི་རིགས་ས་ཁུལ་གྱི་རིག་གནས་དར་རྒྱས་གོང་འཕེལ་བྱུང་ནས་གྲངས་ཉུང་མི་རིགས་སོ་སོས་ཆོས་དད་རང་མོས་ཀྱི་དབང་ཆར་ལོངས་སྤྱོད་བྱས་ཡོད་ཅིང་།མི་རིགས་གོམས་སྲོལ་ལ་བརྩི་མཐོང་གང་ལེགས་ཐོབ་ཡོད་པ་རེད།
    རྒྱལ་ཁབ་ཀྱིས་བོད་ལྗོངས་མི་རིགས་སོ་སོས་རང་ཉིད་ཀྱི་སྲོལ་རྒྱུན་གོམས་སྲོལ་ལྟར་འཚོ་བ་སྐྱེལ་བ་དང་སྤྱི་ཚོགས་བྱེད་སྒོ་སྤེལ་བའི་དབང་ཆར་བརྩི་མཐོང་དང་འགན་སྲུང་བྱས་ཡོད་ལ།ཁོ་ཚོས་རང་ཉིས་ཀྱི་འདོད་བློ་ལྟར་རྒྱུན་ལྡན་གྱི་ཆོས་ལུགས་དད་པ་དང་རིམ་གྲོ་སྒྲུབ་པའི་བྱེད་སྒོ།གལ་ཆེ་བའི་ཆོས་ལུགས་བྱེད་སྒོ་སྤེལ་བ་དང་དམངས་ཁྲོད་ཀྱི་དུས་ཆེན་བྱེད་སྒོ་བཅས་ལ་ཞུགས་པའི་རང་དབང་ལ་བརྩི་མཐོང་དང་འགན་སྲུང་བྱས་ཡོད།སྤྲུལ་སྐུ་ངོས་འཛིན་ཞུ་རྒྱུ་དེ་བོད་བརྒྱུད་ནང་བསྟན་གྱི་དམིགས་བསལ་གྱི་རྒྱུད་འཛིན་རྣམ་པ་ཞིག་ཡིན་པས་རྒྱལ་ཁབ་ཀྱིས་བརྩི་མཐོང་གང་ལེགས་བྱས་ཡོད།དམངས་གཙོ་བཅོས་བསྒྱུར་བྱས་པ་ནས་བཟུང་ཡང་སྲིད60ལྷག་ལོ་རྒྱུས་ཀྱི་གོམས་སྲོལ་དང་ཆོས་ལུགས་ཀྱི་ཆོ་གར་ལྟར་ཆོག་མཆན་དང་ངོས་འཛིན་ཐོབ་ཡོད།
    དེབ་ཐེར་རྒྱབ་ཤ་དཀར་པོའི་ནང་དུས་མཚུངས་སུ་བསྟན་དོན།གྲངས་ཉུང་མི་རིགས་ལ་རང་རེའི་མི་རིགས་ཀྱི་སྐད་དང་ཡི་གེ་བེད་སྤྱོད་བྱེད་པ་དང་འཕེལ་རྒྱས་གཏོང་བའི་དབང་ཆ་ཡོད།རྒྱལ་ཁབ་ཀྱིས་གྲངས་ཉུང་མི་རིགས་ཀྱི་སྐད་ཡིག་དེ་སྲིད་འཛིན་ཁྲིམས་འཛིན་དང་གསར་འགྱུར་པར་སྐྲུན།རྒྱང་སྒྲོག་འཕྲིན་བརྙན།རིག་གནས་སློབ་གསོ་སོགས་ཁྱབ་ཁོངས་སུ་ཁྲིམས་མཐུན་གྱི་སྒོ་ནས་བེད་སྤྱོད་བྱེད་པར་འགན་སྲུང་ནན་པོ་བྱས་ཡོད།རྒྱལ་ཁབ་ཀྱིས་མི་རིགས་ས་ཁུལ་དུ་སྐད་གཉིས་སློབ་གསོའང་ཁྱབ་སྤེལ་གཏོང་གི་ཡོད།