ཀྲུང་གོ་བོད་ཀྱི་དྲ་བའི་འཕྲིན། ཉེ་ལམ། མཚོ་སྔོན་ཞིང་ཆེན་ཚན་རྩལ་ཐིན་གྱིས་འབྲེལ་ཡོད་ཆེད་མཁས་པ་རྩ་འཛུགས་བྱས་ཏེ། ཕྱུགས་ལས་ཚན་རྩལ་གླིང་གིས་འགན་ལེན་བྱས་ནས་ལེགས་འགྲུབ་བྱས་པའི་ཞིང་ལས་སྡེ་ཁག་གི་ལས་གཞི་ཆེ་གྲས་ཏེ། མདོ་དབུས་མཐོ་སྒང་གི་ཕྱུགས་རྩྭའི་གཞི་རྒྱུད་ཐོན་ཁུངས་ཀྱི་སྲུང་སྐྱོབ་དང་བཀོལ་སྤྱོད་གྲུབ་འབྲས་ལ་གདེང་འཇོག་བྱས། ཆེད་མཁས་པ་རྣམས་ཀྱིས་མགྲིན་གཅིག་ཏུ་ལས་གཞི་འདིའི་གྲུབ་འབྲས་ནི་རྒྱལ་སྤྱིའི་སྔོན་ཐོན་ཆུ་ཚད་དུ་བསླེབས་ཡོད་ཅེས་བཤད་པ་དང་། རྣམ་པ་འདྲ་མིན་དང་སྐྱེ་ཁམས་སྣ་མང་། རྒྱུད་འཛིན་རིགས་མང་། བཀོལ་སྤྱོད་རིན་ཐང་སོགས་ཀྱི་བྱེད་ཐབས་སྤྱད་ནས། མདོ་དབུས་མཐོ་སྒང་གི་ཕྱུགས་རྩྭའི་གཞི་རྒྱུད་ཐོན་ཁུངས་ལ་ཕྱོགས་བསྡུས་མ་ལག་རང་བཞིན་གྱི་སྒོ་ནས་གདེང་འཇོག་བྱས།
ལས་གཞི་འདིས་གཏན་འབེབས་བྱས་པའི«ཐང་སྟོང་ནས་རི་སྐྱེས་ཕྱུགས་རྩྭའི་གཞི་རྒྱུད་ཐོན་ཁུངས་འཚོལ་བསྡུའི་ཚད་གཞི»སོགས་ས་གནས་ཚད་གཞི་བཅུ་བཞི་ཡིས། མདོ་དབུས་མཐོ་སྒང་གི་ཕྱུགས་རྩྭའི་གཞི་རྒྱུད་ཐོན་ཁུངས་ཀྱི་སྲུང་སྐྱོབ་དང་བཀོལ་སྤྱོད་ཐད་མཛུབ་སྟོན་རང་བཞིན་གྱི་ནུས་པ་བཏོན་ཡོད། །