ཀྲུང་གོའི་ཐང་ག་རིག་གནས་ཞིབ་འཇུག་ལྟེ་གནས་ཀྱི་སྒོ་བྱང་གི་ཡོལ་བ་འབྱེད་པའི་མཛད་སྒོ་བསྡུས་པ།

          ཟླ5པའི་ཚེས23ཉིན། རིག་གནས་པུའི་གོང་ཝང་ཧྥུའུ་དོ་དམ་ལྟེ་གནས་དང་། ཀྲུང་གོའི་ཧྭ་ཞ་ཤུལ་བཞག་རིག་གནས་ཐེབས་རྩ་ཚོགས་པ། པེ་ཅིང་གསེར་མདོག་སྒྲོལ་མའི་རིག་གནས་གོང་སྤེལ་ཚད་ཡོད་ཀུང་ཟི་བཅས་ཀྱིས་མཉམ་དུ་བསྒྲུབས་པའི་ཀྲུང་གོའི་ཐང་ག་རིག་གནས་ཞིབ་འཇུག་ལྟེ་གནས་ཀྱི་སྒོ་བྱང་གི་ཡོལ་བ་འབྱེད་པའི་མཛད་སྒོ་པེ་ཅིང་དུ་བསྡུས་ཤིང་། གཙོ་སྒྲུབ་ལས་ཁུངས་ཀྱི་འབྲེལ་ཡོད་འགོ་ཁྲིད་དང་། ཀྲུང་གོའི་བོད་རིག་པ་ཞིབ་འཇུག་ལྟེ་གནས་དང་ཀྲུང་དབྱང་མི་རིགས་སློབ་ཆེན་སོགས་ཀྱི་ཆེད་མཁས་རྣམས་མཛད་སྒོའི་སྟེང་ཞུགས་པ་རེད། 
　　ཀྲུང་གོའི་ཐང་ག་རིག་གནས་ཞིབ་འཇུག་ལྟེ་གནས་ཀྱིས་ཐང་གའི་རིག་གནས་ཀྱི་འདས་མ་ད་གསུམགྱི་འཕེལ་རྒྱས་ཀྱི་རྣམ་པར་ཕྱོགས་ཡོངས་ནས་རྟོག་ཞིབ་དང་ཞིབ་འཇུག་གནང་སྟེ། གནའ་རབས་ཀྱི་ཐང་གའི་ཞིབ་འཇུག་དང་སྲུང་སྐྱོབ་ཐད་ལྟ་བ་དང་བསམ་འཆར་འདོན་རྒྱུ་ཡིན་པར་མ་ཟད། དེང་རབས་ཀྱི་ཐང་གའི་འཛིན་སྤེལ་ལ་རིག་གཞུང་གི་རྒྱབ་སྐྱོར་འདོན་སྤྲོད་བྱ་རྒྱུ་རེད།