ཀྲུང་གོའི་བོད་ཀྱི་དྲ་བའི་འཕྲིན།  མགོ་ལོག་བོད་རིགས་རང་སྐྱོང་ཁུལ་རྨ་སྟོད་རྫོང་གིས་མང་ཚོགས་ལམ་ཕྱོགས་སློབ་གསོ་ལག་ལེན་བྱ་འགུལ་ཁྲོད།འཕྲིན་ཕྲན་སྟེགས་བུས་ཆ་འཕྲིན་རྒྱུད་སྒྲོག་མགྱོགས་པོ་བྱེད་ནུས་པའི་ཁྱད་ཆོས་བེད་སྤྱད་དེ།  རྒྱ་ཆེའི་ལས་བྱེད་མང་ཚོགས་ལ་དུས་ལྟར་མང་ཚོགས་ལམ་ཕྱོགས་བྱ་འགུལ་གྱི་གསར་འགྱུར་གལ་ཆེན་རྒྱུད་སྒྲོག་བྱེད་པ་དང་།  སྔར་ལས་ལྷག་པར་གླེང་ཕྱོགས་ཀྱི་མཛུབ་སྟོན་ནུས་ཤུགས་དང་ཤུགས་རྐྱེན་མཐོར་འདེགས་བྱས་པས་གྲུབ་འབྲས་མངོན་གསལ་ཐོབ།
 རྨ་སྟོད་རྫོང་གིས་གོང་རིམ་གྱི་ཡིག་ཆ་དང་འགོ་ཁྲིད་ཀྱི་གསུང་བཤད།  གྲོས་ཚོགས་ཀྱི་དགོངས་དོན།  ལས་ཁུངས་ཀྱི་བྱ་འགུལ།  ཉེན་བརྡའི་སློབ་གསོ་དང་སྲིད་ཇུས་ཁྲིམས་ལུགས་སོགས་ནང་དོན་གཅིག་ཏུ་བསྡུས་ནས་ཆེད་སྒྲིག་བཀོད་སྒྲིག་བྱས་ཐོག  རྫོང་ཡོངས་ཀྱི་སློབ་གསོ་ལག་ལེན་བྱ་འགུལ་གྱི་འཕར་རིམ་དང་དོན་ཚན་སོགས་ཡི་གེ་དང་པར་རིས་ཀྱི་ལམ་ནས་འཕྲིན་ཕྲན་འབྲི་བཞིན་ཡོད་ལ།  མི་རྣམས་ཀྱིས་ལག་འཕྲིན་བཀོལ་མ་ཐག་ཏུ་རྨ་སྟོད་རྫོང་གི་འཕྲིན་ཕྲན་དྲིལ་བསྒྲགས་ལས་ཉིན་རེར་སྤེལ་བའི་ཆ་འཕྲིན་ལྟ་ཐུབ།
རྫོང་འདིས་བྱེད་ཐབས་སྣ་ཚོགས་དང་བགྲོད་ལམ་སོ་སོར་བརྒྱུད་ནས་རྨ་སྟོད་རྫོང་གི་འཕྲིན་ཕྲན་དྲིལ་སྒྲོག་སྟེགས་བུ་ཁྱབ་སྤེལ་བྱས་ཤིང་།  མི་མང་པོར་སྟེགས་བུ་འདི་ལས་སློབ་གསོ་ལག་ལེན་བྱ་འགུལ་ཀྱི་བྱ་བའི་གནས་ཚུལ་དང་སློབ་གསོ་ལག་ལེན་བྱ་འགུལ་གྱི་འཕར་རིམ་སོགས་རྒྱུས་ལོན་བྱེད་པར་མཐུན་རྐྱེན་སྐྲུན།   །