མི་རྣམས་ཀྱི་སྒྲོན་མེ་ནི་ཆེས་སྤྱིར་བཏང་བའི་དངོས་པོ་ཞིག་ཡིན་པར་འདོད། ཡིན་ནའང་། ང་ཚོས་སྤྱིར་བཏང་བའི་དངོས་པོ་དེ་ལ་ཞིབ་ཏུ་བལྟས་ཚེ་ད་གཟོད་གཞན་དང་མི་འདྲ་བའི་དངོས་པོ་ཁྱད་པར་བ་ཞིག་ཡིན་པ་རྟོགས་ཐུབ།    མ་གཞི་སྒྲོན་མེ་ཡི་ལུས་ཕུང་ཆུང་ཡང་། ཁོར་མཚན་མོའི་སྨགས་རུམ་བསལ་བའི་ནུས་པ་མཆིས་པས།   མི་རྣམས་ལ་མུན་ནག་གི་འཇིག་པ་སེལ་ཏེ་ཡིད་དུ་འོངས་བའི་འོད་སྣང་སྦྱིན་པར་སྤོབས། དེའི་ཕྱིར། སྒྲོན་མེ་ནི་དངོས་གནས་སྤྱིར་བཏང་བའི་དངོས་པོ་ཞིག་མ་ཡིན་ནོ།
ཚན་རིག་ལག་རྩལ་གྱིས་གོ་ལ་ཧྲིལ་པོར་ཁ་ལོ་བསྒྱུར་བའི་དེང་སྐབས་མི་རྣམས་ཀྱིས་གློག་སྒྲོན་བེད་སྤྱོད་བྱེད་པ་ལས་སྣུམ་སྒྲོན་ནི་དེ་ཙམ་གྱི་བཀོལ་སྤྱོད་བྱེད་ཀྱི་མེད་པས་སྣུམ་སྒྲོན་གྱི་རིན་ཐང་ཡང་ག་ལེར་བརྗེད་དེ་འགྲོ། འོན་ཀྱང་། མཚན་སྙན་གྲགས་དང་། རྒྱུ་ནོམ་པ་ཅི་ཡང་མི་བསམ་པའི་སྒྲོན་མེ་ཡིས་འཁང་ར་དང་བློ་འགྱོད་སྤུ་ཙམ་མེད་པའི་སྒོ་ནས་སྔར་བཞིན་རང་ལུས་མེ་ལ་བསྲེགས་ཏེ་གཞན་ལ་འོད་སྣང་སྦྱིན་པར་བྱེད་དོ།

དེ་བས་ན། ང་ཚོའི་རྒན་ལགས་རྣམས་ཀྱིས་མིའི་རིགས་ཀྱི་བླ་སྲོག་བསྐྲུན་པའི་ཆེད་དུ་རང་ཉིད་ཀྱི་ལང་ཚོ་འཕངས་མེད་དུ་འཕུལ་བས། ཁོ་ཚོ་ནི་ངོ་མ་སྒྲོན་མེ་ཞིག་དང་འདྲ་བར་ཇི་འདྲའི་སྤྱིར་བཏང་བ་ཞིག་དང་།   ཇི་འདྲའི་རླབས་ཆེ་བ་ཞིག་རེད་ཨང་།