དཔྱིད་ཟླ་དང་པོར་གོས་སྔོན་སྒྲོན་པའི་ཉམ་ཆུང་ལྗང་མྱུག་གཞོན་ཡི། །
ལུས་ཟུངས་བུ་ཡུག་རླུང་གིས་མར་བའི་ན་ཟུག་རྨ་རོས་གཙེས་གྱུར་ཀྱང་། །
སྙིང་ཁམས་འོ་མའི་རྒྱ་མཚོ་བཙིར་ནས་མེ་ཏོག་གསར་བའི་ཚོགས་བསྐྱངས་ཤིང་། །
ཞིམ་མངར་གཡུར་ཟའི་སྟོན་འབྲས་ཕུན་ཚོགས་མི་རྣམས་དགའ་བའི་ཟུས་སུ་ཕུལ། །
 
གོམ་འགྲོས་སློབ་པའི་བྱིས་པ་གཞོན་ནུ་ཐེངས་མང་འགྱེལ་ལ་འཇིགས་པ་མེད། །
 
གཟིགས་རྟོག་ཁྲི་ཕྲག་གནང་བའི་ལས་སུ་ཉམ་ང་མི་སེམས་སྤོབས་ལྡན་པས། །
ཤེས་རིག་བང་མཛོད་ནོར་གྱི་ལྡེ་མིག་རང་ཉིད་མཛེས་པའི་རྒྱན་ཏུ་ཐོབ། །
                 ༡༩༨༡  ༨ ཟི་ལིང་ནས། །