ཕུག་རོན།གསེར་སེར་པོའི་རྒྱ་ཕིབས་འོག
ཁྱོད་རང་འཚོ་སྡོད་ཀྱི་ཁྱིམ་གཞི་ཡིན་སྐད།
བུ་ཡུག་གི་ཆོ་འཕྲུལ་ཧ་ཅང་རྩུབ་ནའང་།
ཕུགས་བསམ་དེའི་སླད་དུ།
བཟོད་བསྲན་དང་ང་རྒྱལ་གྱིས་འགྲེང་དགོས།
 
ཕུག་རོན།གཡེར་ཁའི་དྲིལ་ཆུང་སྙན་མོ།
མཚན་གུང་གི་གསང་བརྡ་ཡིན་པས།
གཤོག་ཟུང་གི་ལྡེམ་མྱུར་ཁྲོད།
གངས་རིའི་འཇིག་རྟེན་ལ་འཕུར་དགོས།
 
ཕུག་རོན།ལྷ་ཁང་གི་བྱ་འདབས་འོག་ན།
ལྷིང་འཇགས་ཀྱི་ཡུལ་ལྗོངས་འཚོལ་བཞིན།
ཕུགས་བསམ་གྲངས་མེད་ཀྱི་མིག་ཟུང་གཉོམ་པོ།
དཀར་གཙང་གི་ཁ་བའི་ཀློང་དུ་ཅེར་བ་བདེན་ནམ།