ཙོང་ཁ་པ།  ལྷག་བསམ་དང་ཡིད་ཆེས་ཀྱིས་འགྲེང་སྟེ།
གངས་རིའི་དབུ་རྩེ་ན་འཕྱོ་བའི་གངས་སེང་དཀར་མོ།
སྙིང་སྟོབས་དང་དད་པའི་བར་ན་ཁམས་གསུམ་ཤོང་།
བརྩེ་ཞེན་གྱི་མིག་ཆུ་ཁུར་ཏེ།
གཞན་དོན་རྐྱང་རྐྱང་གིས་བཟི་བའི་རྫོགས་སངས་རྒྱས།
ཙོང་ཁ་པ།  རྩོད་ངག་གི་རྔ་བོ་ཆེ།
ཇ་ཡུན་ཙམ་ཡང་ཁོམ་ལོང་མེད་པར།
འགྲོ་བ་གྲངས་མེད་ཀྱི་སྤྱི་གཙུག་ན།
རས་རྐྱང་སྲབ་མོ་ཞིག་མནབས་ཏེ།
བདེན་དྲང་གི་རྩོད་ངག་སྒྲོགས།
 
ཙོང་ཁ་པ།  བདེན་དྲང་གི་རྒྱལ་སྲས་ཆེན་མོ།
ཁ་བཏགས་མང་པོའི་རྒྱབ་རོལ་ན།
ཐུགས་སྐྱོ་བའི་མིག་ཆུ་མཛད་ཀྱིན།
རྣམ་ཤེས་འཁྱམ་པོ་ཞིག་གི་རུམ་ཁར་འཛུལ།
 
ཙོང་ཁ་པ།  ལྷག་བསམ་གྱིས་ཕྱུག་པའི་རྣལ་འབྱོར་པ།
ཞེ་སྨྲེང་བའི་རྐང་གླིང་འབུད་ཀྱིན། མི་རེ་རེ་ཡི་སྙིང་ཁོང་ལ་བྱིན་རླབས་དྲངས།
བྱིན་རླབས་ཀྱི་སྒོ་དྲུང་ན་རླབས་ཆེན་གྱི་མེ་ཏོག་འཛུམ།
 
ཙོང་ཁ་པ།  དད་པའི་སྒོ་དྲུང་ན་ཕེབས་ཀྱིན།
དམིགས་བརྩེ་མའི་གསོལ་འདེབས་ཁྲོད་ན་རྒྱུ་འབྲས་ཀྱི་མིག་ཆུ་བཞེས་བཞིན།
ང་ཚོའི་སྙིང་ཁོང་ལ་བཏུམས།