ཨ་ཕའི་རྒྱབ་གཟུགས་དང་ངོ་གདོང་སྨུག་པོ།

མིག་གི་མཐོང་ཡུལ་ནས་འཇའ་ཚོན་བཞིན་ཡལ།

ཨ་ཕའི་བསླབ་བྱ་དང་བྱམས་བརྩེ་དྲོན་མོ།

སེམས་གྱི་དྲན་ཤིང་ལས་རྒྱང་རིང་དུ་བཞུད།

ཨ་ཕ་ལགས། འདི་ལྟར་ཁྱོད་མེད་པའི་

འཚོ་བའི་ཁྲོད་ནས།

ངས་ཁྱོད་ཀྱི་གཏམ་རྒྱུད་ལ་གཏམ་རྒྱུད་གསར་

བ་ཞིག་ཅི་ལྟར་མཐུད།

ང་ཚོ་དང་གཏན་དུ་བྲལ་བའི་ཨ་ཕ་ལགས།

ངའི་ཡ་ཆུང་ཁོག་གི་ན་ཟུག་དང་སྐྱོ་གདུང་

གི་ཐ་སྙད་དག་གིས།

ཁྱོད་ཀྱི་རྗེས་སུ་སྙན་ངག་ལྟ་བུའི་སེམས་

གཏམ་མང་པོ་བྲིས་ཀྱང་།

ཡིན་ནའང་།

ཁྱོད་ལ་ནམ་རྒྱུན་ལྟར་ཕྲལ་ཀློག་བྱེད་

པའི་གོ་སྐབས་མེད་སོང་།

ང་ལའང་ཀློག་པ་པོ་རྣལ་མ་ཞིག་ཇེ་ཉུང་

དུ་གྱུར་སོང་།

ཨ་མའི་ཚེ་གཅིག་དང་འདྲེས་པའི་ཨ་ཕ།

ང་ཡི་སྐྱིད་སྡུག་དང་འདྲེས་པའི་ཨ་ཕ།

ངའི་ཞེ་ཡི་གཏིང་རིམ་ཞིག་ནས།

འཁྲེང་སེམས་ཀྱི་ཕྱི་མིག་ཁྱོད་ལ་ཕྱོགས་ཡོད།

དུང་ཞེན་གྱི་དར་སྐུར་ཁྱོད་ལ་འཐེན་ཡོད།

སྙིང་ཁོང་གི་མཆོད་པ་ཁྱོད་ལ་འབུལ་ཡོད།

གང་ལྟར། ཨ་ཕ་ལགས།

ངས་འདི་ལྟར་ཡིག་འབྲུ་འགའ་ཡི་སྲུབས་

ནས་ཁྱོད་རང་ཁྱབ་ཏུ་བཅུག་ཀྱང་།

ང་ལ་ཀློག་པ་པོ་རྣལ་མ་ཞིག་ཇེ་ཉུང་

དུ་གྱུར་སོང་།