དཀར་ནག་སྤུ་གྲས་མཆོར་བའི་སྒོ་ཕྱུགས་ཀྱིས།

མཐོ་སྒང་གི་མཁའ་དབྱིངས་ནས་རྒྱུ་བའི་

སྐྱི་བསེར་རླུང་གི་ཕྱོགས་སུ་

མིག་ཟུང་བསྡིགས་ནས་ལྐོག་ལྟ་བྱེད།

མཆུ་ཏོ་ལ་མཚལ་དམར་བྱུགས་པའི་ཁ་ཏས་ཀྱང་།

ཐག་ཁྲར་སྐམ་པའི་སྣམ་བུའི་ཕྱུ་པ་ལ་སོ་འདྲད་བྱེད་ཀྱིན།

རླུང་བུ་མ་གཡུག་པའི་ཡར་སྔོན་ལ་གསུས་པ་འགྲེང་ཐབས་བྱས།

དཔལ་བེའུ་རི་མོ་ལྷ་རྟེན་དུ་བཞེངས་པའི་སྒྲོལ་མ་ཁོ་ནས།

མཛའ་བོ་བྱ་ར་བྱེད་སའི་སྐར་ཁུང་ནས།

གངས་ཆར་གྱི་དངོས་གྲུབ་ཁྱེར་ཡོང་མཁན་གྱི།

ལྷོ་ཕྱོགས་མོན་གྱི་ཁུ་བྱུག་ལྟ་བུ་ཞིག་ལ་རྒྱང་ལྟ་བྱས།