ལྷོད་ལ་བབ་མ་མྱོང་བའི་རེ་སྒུག་གི་འབོད་པ་དེས།

རི་ཆུ་སྟོང་ཕྲག་ངལ་དུབ་ལ་བརྒྱུས།

ང་རང་གཞི་ནས་ཁྱེད་ཀྱི་གམ་དུ་འབྱོར།

སྐྱོ་གདུང་དང་མཛེས་སྐད་ཀྱིས་ཉོབ་པར་བྱེད་ནའང་།

ལྗིད་ཏིག་ཏིག་གིས་གོམ་པ་དེས།

ན་ཟུག་དང་ཞེ་སྡང་གིས་ཁྱེད་ཕྱོགས་སྤོས།

སྟོང་ལྷང་ལྷང་ངང་།

མི་ཚོགས་ཀྱི་འཇིངས་སུ་ཞུགས།

མི་རབས་མང་པོས་ཕ་མཐའ་ནས་བྲལ་བའི་ཁྱེད་ཚོ།

བཙལ་བཙལ་ནས་མིང་ཡིག་ཙམ་ཡང་རྙེད་མ་བྱུང་།

ཁྱེད་རང་རྙེད་འདོད་ཀྱི་སེམས་བྱུང་རེ་རེའི།

མུན་པའི་ལོགས་སུ་ལག་སྙོབ་བྱེད།

ཁྱེད་རང་བཙལ་འདོད་ཀྱི་ཧམ་སེམས་ཀྱི།

ག་ས་གང་ནས་སྐྱོ་གདུང་སློག།

སྙིང་གི་ན་ཟུག་དེ་བྲང་རུས་བརླན་ནའང་།

རྒྱང་རིང་གི་བཀའ་ལ་སྒུག་པའི་ལོ་ཟླ་རེ་རེ།

མཐའ་མེད་པའི་མྱ་ངམ་དུ་གདུང་བས་མནར།