ཛམ་བིརྱ། 2023-01-20
མཐོན་མཐིང་མཁའ་དབྱིངས་དབུས་ན་རང་མདངས་མཛེས། །
གསེར་ལྡན་འཛིན་མའི་མངལ་གྱི་གངས་རི་མཛེས། །
དུས་བཞིའི་ནང་གི་བསིལ་བའི་ཡུལ་འདི་མཛེས། །
མཛེས་གསུམ་འཛུམ་པའི་ལོ་སར་དགའ་སྟོན་བསུ། །
ས་ལའི་སྨན་ལྗོངས་ཁ་བས་བཀླུབས་པ་མཛེས། །
ནོར་འཛིན་དགའ་མ་དྭངས་ཤིང་གཙང་བ་མཛེས། །
དུས་བཞིའི་ནང་གི་བསིལ་ལྡན་ཅན་འདི་མཛེས། །
མཛེས་གསུམ་འཛོམས་པའི་ང་ཚོའི་ལོ་སར་བསུ། །
གོ་ལའི་ཡང་རྩེ་གངས་ཅན་ཡུལ་འདི་མཛེས། །
ཁ་བའི་ཡུལ་འདིར་ལོ་སར་བསུ་ལ་གྲབས། །
བཀྲ་ཤིས་ལོ་སར་རྟེན་འབྲེལ་མི་འཕྱུག་ཕྱིར། །
ཕུན་ཚོགས་སྟ་གོན་ལྷག་བསམ་གཙང་མས་གནང་། །
རྩོམ་གསར། 10